Qozog‘istondan kam, Qirg‘izistondan ko‘p: O‘zbekistonda bir oilaning farovon yashashi uchun oyiga qariyb 1 500 dollar kerak bo‘ladi

O‘zbekistonda to‘rt kishilik oilaning farovon yashashi uchun bir oyda 1 424 dollar kerak bo‘ladi. Bu haqda Numbeo tahliliy saytining ma’lumotlarida keltirilgan. 

Toshkent shahrida yaxshi sharoitda yashash narxi O‘zbekistonning umumiy ko‘rsatkichidan biroz baland qayd etilgan — 1 546 dollar. 

Bunda tashqari O‘zbekistonda yolg‘iz yashovchi insonlarga farovon hayot uchun 392 dollar kerak bo‘lishi ko‘rsatilgan. Bu ko‘rsatkich Toshkent shahrida 423 dollarni tashkil qiladi. 

Qo‘shni davlatlar orasida Qozog‘istonda yaxshi sharoitda yashash uchun 1 432 dollar kerak bo‘lishi qayd etilgan. Tojikistonda bu ko‘rsatkich 1 445 dollarni, Qirg‘izistonda 1 362 dollarni tashkil qilgan. Turkmaniston bu ro‘yxatda ko‘rsatilmagan.

Bundan tashqari Rossiyada farovon hayot uchun bir oyda 2 359 dollar, AQSHda 3 488 dollar kerak bo‘lishi ko‘rsatilgan.

Davlat statistika qo‘mitasi ma’lumotlariga ko‘ra, O‘zbekistonda o‘rtacha ish haqi joriy yilning yarmida 3,5 mln so‘mni tashkil qilgan.

Eng kam oylik ish haqi ikki barobarga — jami 23,1 foizga oshirilib, hozirda 922 ming so‘mni tashkil etmoqda.

Tarmoqlar bo‘yicha eng yuqori maoshlar bank, moliya va sug‘urta sohalarida — 9,15 mln so‘m.