Қозоғистондан кам, Қирғизистондан кўп: Ўзбекистонда бир оиланинг фаровон яшаши учун ойига қарийб 1 500 доллар керак бўлади

Ўзбекистонда тўрт кишилик оиланинг фаровон яшаши учун бир ойда 1 424 доллар керак бўлади. Бу ҳақда Numbeo таҳлилий сайтининг маълумотларида келтирилган. 

Тошкент шаҳрида яхши шароитда яшаш нархи Ўзбекистоннинг умумий кўрсаткичидан бироз баланд қайд этилган — 1 546 доллар. 

Бунда ташқари Ўзбекистонда ёлғиз яшовчи инсонларга фаровон ҳаёт учун 392 доллар керак бўлиши кўрсатилган. Бу кўрсаткич Тошкент шаҳрида 423 долларни ташкил қилади. 

Қўшни давлатлар орасида Қозоғистонда яхши шароитда яшаш учун 1 432 доллар керак бўлиши қайд этилган. Тожикистонда бу кўрсаткич 1 445 долларни, Қирғизистонда 1 362 долларни ташкил қилган. Туркманистон бу рўйхатда кўрсатилмаган.

Бундан ташқари Россияда фаровон ҳаёт учун бир ойда 2 359 доллар, АҚШда 3 488 доллар керак бўлиши кўрсатилган.

Давлат статистика қўмитаси маълумотларига кўра, Ўзбекистонда ўртача иш ҳақи жорий йилнинг ярмида 3,5 млн сўмни ташкил қилган.

Энг кам ойлик иш ҳақи икки баробарга — жами 23,1 фоизга оширилиб, ҳозирда 922 минг сўмни ташкил этмоқда.

Тармоқлар бўйича энг юқори маошлар банк, молия ва суғурта соҳаларида — 9,15 млн сўм.