Toshkent shahrida taqiqlangan moddalar bilan bog‘liq bir qancha faktlar aniqlandi. Bu haqda Yo‘l harakati xavfsizligi xizmati xabar berdi.
Xususan, 25-avgust kuni soat 01:35 da Yangihayot tumanida xizmat olib borayotgan YPX xodimlari tomonidan Binokor ko‘chasi bo‘ylab harakatlanib kelayotgan Lacetti to‘xtatilgan. Xolis va guvohlar ishtirokida tekshirilganda yo‘lovchi — 1991-yilda tug‘ilgan M.A.ning yonidan sellofanga o‘ralgan, jigarrang, o‘tkir hidli, saqichsimon modda topilgan. Mazkur holat yuzasidan tegishli hujjatlar rasmiylashtirilib, fuqaro M.A. va topilgan modda tuman IIO FMBga topshirilgan.
Bundan tashqari, 25-avgust kuni soat 03:00 da Sergeli tumanida xizmat olib borayotgan YPX xodimlari tomonidan Shokirariq ko‘chasi bo‘ylab harakatlanib kelayotgan Cobalt to‘xtatilgan. Xolis va guvohlar ishtirokida tekshirilganda yo‘lovchi — 2000-yilda tug‘ilgan M.K.ning yonidan sellofanga o‘ralgan, jigarrang, o‘tkir hidli, saqichsimon modda topilgan. Mazkur holat yuzasidan tegishli hujjatlar rasmiylashtirilib, fuqaro M.K. va topilgan modda tuman IIO FMBga topshirilgan.
26-avgust kuni soat 00:05 da Mirobod tumanida xizmat olib borayotgan YPX xodimlari tomonidan Shahrisabz ko‘chasi bo‘ylab harakatlanib kelayotgan haydovchi — 1987-yilda tug‘ilgan R.K. boshqaruvidagi Lacetti to‘xtatilib, xolis va guvohlar ishtirokida tekshirilgan. Avtomobil salonidan sellofanga o‘ralgan, jigarrang, o‘tkir hidli, saqichsimon modda topilgan. Mazkur holat yuzasidan tegishli hujjatlar rasmiylashtirilib, fuqaro R.K. va topilgan modda tuman IIO FMBga topshirilgan.
26-avgust kuni soat 01:10 da Mirobod tumanida xizmat olib borayotgan YPX xodimlari tomonidan Shahrisabz ko‘chasi bo‘ylab harakatlanib kelayotgan haydovchi — 1993-yilda tug‘ilgan B.M. boshqaruvidagi Matiz to‘xtatilib, xolis va guvohlar ishtirokida tekshirilgan. Avtomobil salonidan 6 dona “Tropikamid” va 22 dona “Regapen” nomli psixotrop dori vositalari topilgan. Mazkur holat yuzasidan tegishli hujjatlar rasmiylashtirilib, fuqaro B.M. va topilgan vositalar Mirobod tumani IIO FMBga topshirilgan.
Shuningdek, 25-avgust kuni soat 22:45 da Bektemir tumanida joylashgan “Bektemir” YPX maskanida xizmat olib borayotgan YPX xodimlari tomonidan Toshkent viloyatidan poytaxtga kirib kelayotgan haydovchi — 1982-yilda tug‘ilgan B.A. boshqaruvidagi Lacetti rusumli avtomobil to‘xtatilib, xolis va guvohlar ishtirokida tekshirilgan. Avtomobil salonidan 26 dona “Tropikamid” va 224 dona “Regapen” nomli psixotrop dori vositalari topilgan. Mazkur holat yuzasidan tegishli hujjatlar rasmiylashtirilib, fuqaro B.A. va topilgan vositalar Bektemir tumani IIO FMBga topshirilgan.
Izoh (0)