Тошкент шаҳрида тақиқланган моддалар билан боғлиқ бир қанча фактлар аниқланди. Бу ҳақда Йўл ҳаракати хавфсизлиги хизмати хабар берди.
Хусусан, 25 август куни соат 01:35 да Янгиҳаёт туманида хизмат олиб бораётган ЙПХ ходимлари томонидан Бинокор кўчаси бўйлаб ҳаракатланиб келаётган Lacetti тўхтатилган. Холис ва гувоҳлар иштирокида текширилганда йўловчи — 1991 йилда туғилган М.А.нинг ёнидан целлофанга ўралган, жигарранг, ўткир ҳидли, сақичсимон модда топилган. Мазкур ҳолат юзасидан тегишли ҳужжатлар расмийлаштирилиб, фуқаро М.А. ва топилган модда туман ИИО ФМБга топширилган.
Бундан ташқари, 25 август куни соат 03:00 да Сергели туманида хизмат олиб бораётган ЙПХ ходимлари томонидан Шокирариқ кўчаси бўйлаб ҳаракатланиб келаётган Cobalt тўхтатилган. Холис ва гувоҳлар иштирокида текширилганда йўловчи — 2000 йилда туғилган М.К.нинг ёнидан целлофанга ўралган, жигарранг, ўткир ҳидли, сақичсимон модда топилган. Мазкур ҳолат юзасидан тегишли ҳужжатлар расмийлаштирилиб, фуқаро М.К. ва топилган модда туман ИИО ФМБга топширилган.
26 август куни соат 00:05 да Миробод туманида хизмат олиб бораётган ЙПХ ходимлари томонидан Шаҳрисабз кўчаси бўйлаб ҳаракатланиб келаётган ҳайдовчи — 1987 йилда туғилган Р.К. бошқарувидаги Lacetti тўхтатилиб, холис ва гувоҳлар иштирокида текширилган. Автомобиль салонидан целлофанга ўралган, жигарранг, ўткир ҳидли, сақичсимон модда топилган. Мазкур ҳолат юзасидан тегишли ҳужжатлар расмийлаштирилиб, фуқаро Р.К. ва топилган модда туман ИИО ФМБга топширилган.
26 август куни соат 01:10 да Миробод туманида хизмат олиб бораётган ЙПХ ходимлари томонидан Шаҳрисабз кўчаси бўйлаб ҳаракатланиб келаётган ҳайдовчи — 1993 йилда туғилган Б.М. бошқарувидаги Matiz тўхтатилиб, холис ва гувоҳлар иштирокида текширилган. Автомобиль салонидан 6 дона «Тропикамид» ва 22 дона «Регапен» номли психотроп дори воситалари топилган. Мазкур ҳолат юзасидан тегишли ҳужжатлар расмийлаштирилиб, фуқаро Б.М. ва топилган воситалар Миробод тумани ИИО ФМБга топширилган.
Шунингдек, 25 август куни соат 22:45 да Бектемир туманида жойлашган «Бектемир» ЙПХ масканида хизмат олиб бораётган ЙПХ ходимлари томонидан Тошкент вилоятидан пойтахтга кириб келаётган ҳайдовчи — 1982 йилда туғилган Б.А. бошқарувидаги Lacetti русумли автомобиль тўхтатилиб, холис ва гувоҳлар иштирокида текширилган. Автомобиль салонидан 26 дона «Тропикамид» ва 224 дона «Регапен» номли психотроп дори воситалари топилган. Мазкур ҳолат юзасидан тегишли ҳужжатлар расмийлаштирилиб, фуқаро Б.А. ва топилган воситалар Бектемир тумани ИИО ФМБга топширилган.
Изоҳ (0)