O‘zbekistonda iyul oyi uchun 829 753 nafar iste’molchiga 70,7 milliard so‘m keshbek to‘landi. Bu haqda Davlat soliq qo‘mitasi xabar qildi.
Qayd etilishicha, kamchiliklar bartaraf etilishi natijasida yanvar—iyun oylari uchun yana 3,3 milliard so‘m keshbek tasdiqlangan.
Yil boshidan buyon 1 097 625 nafar fuqaroga 330,8 milliard so‘m keshbek to‘lab berilgan.
Xarid chekini skanerlagan fuqarolarga keshbek qaytarish amaliyoti
2021-yilning oktabr oyida prezidentning nazorat-kassa texnikasidan foydalanishni takomillashtirishga doir qarori qabul qilingandi. Hujjat bilan 2022-yil 1-yanvardan boshlab chakana savdo, umumiy ovqatlanish va aholiga maishiy xizmat ko‘rsatish obyektlarida xaridni amalga oshirgan hamda ushbu xaridni soliq organlarining maxsus mobil ilovasida xarid chekini QR-kod yordamida skanerlash orqali ro‘yxatdan o‘tkazgan jismoniy shaxslarga ularning bank kartalariga oy yakuni bilan xarid summasining 1 foizi respublika budjetidan qaytariladi.
DSQ ma’lumotiga ko‘ra, endilikda chekda MXIK kodi to‘g‘ri ko‘rsatilgan barcha tovarlar (xizmatlar) uchun keshbek taqdim etiladi. Rad etish to‘liq xarid summasiga (butun chek uchun) emas, balki faqat ma’lumotlar bazasida mavjud bo‘lmagan MXIK kodi ko‘rsatilgan mahsulot (tovar va xizmat)larga nisbatan qo‘llaniladi.
Izoh (1)
Manimcha pulni o‘zlashtirib yuborishdiyov. Chunki meni shu vaqtgacha deyarli aprel-maydan buyon hamma soliq keshbeklarim maksimum to‘lashga tasdiqlandi degan bosqichigacha keldi. Lekin bir so‘m ham berishmadi.
To‘landi bosqichiga o‘tkazishmadi.
Menimcha o‘zlarini hisobiga o‘rkazib yotishibdi. Har doimgidek teshib chiqadi.