16-avgustdan 22-avgustgacha bo‘lgan haftada Rossiyada deflyatsiya bir hafta oldingi 0,13 foizdan 0,15 foizgacha tezlashdi. Yil boshiga nisbatan iste’mol narxlari 10,56 foizga oshdi.
Oziq-ovqat mahsulotlari orasida grechka yormalari 0,9 foizga, tovuq go‘shti va kungaboqar yog‘i 0,3 foizga, cho‘chqa go‘shti, tvorog va vermishel 0,2 foizga, sariyog‘, sterillangan sut, smetana va osh tuzi 0,1 foizga arzonlashdi.
Donador shakar narxi 0,7 foizga, yarim dudlangan va qaynatilgan kolbasa mahsulotlari, tovuq tuxumi 0,5 foizga, kolbasa mahsulotlari 0,4 foizga, qo‘zichoq go‘shti 0,2 foizga, margarin, pasterizatsiyalangan sut, shirdon pishloqlari, non, guruch va aroq narxi 0,1 foizga oshgan.
Meva-sabzavot mahsulotlari narxining pasayishi o‘rtacha 4,1 foizni tashkil etdi.
Dori vositalaridan ergoferon narxi 0,7 foizga, mahalliy analgin 0,6 foizga, validol 0,5 foizga, rengalin 0,4 foizga, korvalol 0,2 foizga oshgan. Nimesulid narxi 0,3% ga, alloxol va multivitaminlar 0,1 foizga kamaydi.
Nooziq-ovqat mahsulotlari orasida yangi tug‘ilgan chaqaloqlar uchun tagliklar 0,5 foizga, tish pastalari va tish cho‘tkalari 0,3 foizga, kir yuvish va hojatxona sovunlari 0,1 foizga qimmatlashgan.
Iste’mol tovarlari orasida smartfonlar narxi 1,7 foizga, televizorlar 0,3 foizga arzonlashgan. Filtrli sigaretalar narxi 0,2 foizga, shampunlar 0,1 foizga qimmatlashdi. Avtomobil benzini va dizel yoqilg‘isi narxi 0,2 foizga oshdi.
Avvalroq Rossiyadagi vaziyat O‘zbekistondagi narxlar o‘sishiga qanday ta’sir qilishi haqida xabar berilgan edi.
Izoh (0)