O‘zbekistonda 2022-yilning 1-avgust holatiga ko‘ra, muomaladagi bank kartalari soni 30,3 milliontaga yetgan. Bu haqda Markaziy bank ma’lumotlaridan ma’lum bo‘ldi.
Iyun oyida kartalar soni 351 mingtaga ko‘paygan. Yil boshidan beri 3,2 mln dona bank kartasi muomalaga kiritilgan.
Banklar va to‘lov tashkilotlari tomonidan o‘rnatilgan bankomat va infokiosklar soni 18,5 mingtani tashkil etgan.
Iyul oyida to‘lov terminallari orqali tushgan tushumlar 14,9 trln so‘m bo‘lgan. Bu ko‘rsatkich yil boshidan beri 88,5 trln so‘mdan ko‘proqni tashkil qilmoqda.
Muomalaga kartalar chiqarish bo‘yicha banklar orasida qariyb 6 mln ko‘rsatkich bilan “Xalq banki” yetakchilik qilmoqda.
Ikkinchi o‘rinni 3,6 mln bank kartasi bilan “Agrobank” egallagan bo‘lsa, qariyb 3 mln ko‘rsatkich bilan “Ipoteka bank” uchinchi bo‘ldi.
Bankomat va infokiosklar o‘rnatish bo‘yicha esa “Agrobank” birinchilikda bormoqda — 2 051 ta.
“Kapitalbank” (1 915 ta) bu bo‘yicha ikkinchi o‘rinni, “Xalq banki” (1 553 ta) esa uchinchi o‘rinni egallagan.
Izoh (0)