Namangan shahrining Davlatobod tumanidagi “Yuksalish” dahasida joylashgan 16 qavatli uyda ko‘p qavatli uylarda sodir bo‘ladigan yong‘inni bartaraf etish bo‘yicha maxsus taktik-o‘quv mashqi o‘tkazildi. Bu haqda “Daryo” muxbiri Azizbek Abduvaliyev xabar bermoqda.
Dastlab shartli yong‘in natijasida binoning 12 va 16-qavatlarida qolgan insonlar maxsus qutqaruv avtonarvonlari yordamida “alanga qoplagan” uylardan olib chiqildi.
Shundan so‘ng jabrlanganlarga birinchi tibbiy yordam ko‘rsatildi. Tibbiy yordamga muhtojlari esa tibbiyot muassasalariga yo‘naltirildi.
Yakunda o‘tkazilgan yong‘in o‘chirish taktik-o‘quv mashg‘uloti natijalari ko‘rib chiqilib, yo‘l qo‘yilgan kamchiliklar batafsil tahlil qilindi.
Viloyat FVB matbuot xizmatining bildirishicha, ushbu amaliy taktik-o‘quv mashqini o‘tkazishdan maqsad tarkibning favqulodda vaziyatlarga tayyorgarlik ko‘nikmalari, xususan, ko‘p qavatli binolardan evakuatsiya qilish bo‘yicha kasbiy malakani oshirishdan iborat.
Mavzuga doir:
Izoh (0)