Jurnalist Darya Duginani o‘ldirishda gumonlanuvchi Natalya Vovk ehtimoliy jinoyatni sodir etishdan sal avval o‘zini Yuliya deb tanishtirib va Qozog‘iston pasportini ko‘rsatib, bir garajni ijaraga olgan, deb yozadi “RBK” “REN TV”ga tayanib. Yangilik sarlavhasida pasport qalbaki deb aytilgan.
Kanal ma’lumotlariga ko‘ra, garaj ijaraga berilishi haqida e’lon joylashtirilishi bilan Vovk uning egasi bilan bog‘langan va garaj unga bor-yo‘g‘i bir haftaga kerakligini aytgan bo‘lsa-da, bir oylik iajara haqini oldindan to‘lab qo‘ygan.
19-avgust kuni ijaraga beruvchi “Yuliya”dan ijara muddatini uzaytirish-uzaytirmasligi haqida so‘ragan, u esa ertasi kuni buning javobini aytishga va’da bergan (Dugina 20-avgustda o‘ldirilgan). Bu vaqtgacha esa u garaj-qurilish kooperativi qorovulxonasiga kalit va propuskni tashlab ketgan.
Garaj egasining aytishicha, u yerda hech narsaga tegilmagan. Garaj Dugina yashagan va Vovkning o‘zi ham qizi bilan ijarada turgan uydan 4 km uzoqlikda joylashgan.
Darya Dugina — faylasuf Aleksandr Duginning qizi — 20-avgust kuni Podmoskovyeda avtomobili portlab ketishi oqibatida halok bo‘ldi. Rossiya Federal xavfsizlik xizmati uning o‘ldirib ketilishini Ukraina maxsus xizmatlari uyushtirganini, qotillik ijrochisi esa Ukraina fuqarosi Natalya Vovk bo‘lganini ma’lum qildi. U 12 yoshli qizi bilan Rossiyaga kelib, Dugina yashaydigan uyda xonadon ijaraga olgan va uni kuzatgan, uning avtomobili masofadan turib portlatilganidan keyin esa Estoniyaga jo‘nab ketgan. Kiyev Duginaning o‘ldirilishiga aloqadorligini rad etmoqda.
Mavzuga doir:
- “Biz javobgar emasligimiz aniq”. Vladimir Zelenskiy — Darya Duginaning o‘ldirilishi haqida
- “Ukraina Qurolli kuchlarida xizmat qiluvchi, shekilli”. Darya Duginani o‘ldirganlikda gumonlanuvchining “otasi” bilan intervyu e’lon qilindi
- Aleksandr Dugin suiqasd nishoni bo‘lmagan, qotillar faqat uning qizi Darya Duginani kuzatgan — OAV
Izoh (0)