Rossiyaning Ukrainadagi harbiy operatsiyasiga qarshi bayonotni BMTga a’zo 193 ta mamlakatdan 54 tasi imzoladi, deb yozadi “RBK”. Bu haqda Ukrainaning tashkilotdagi doimiy vakili Sergey Kislitsa Xavfsizlik kengashi majlisidan keyingi matbuot anjumanida ma’lum qilgan.
Imzolaganlar orasida Avstraliya, Avstriya, Belgiya, Kanada, Chexiya, Daniya, Estoniya, Finlyandiya, Fransiya, Germaniya, Italiya, Yaponiya, Latviya, Litva, Moldova, Janubiy Koreya, Turkiya, AQSH, Britaniya va boshqalar bor.
Ushbu bayonotda BMTga a’zo davlatlar Rossiyani Ukrainadagi jangovar harakatlarni zudlik bilan to‘xtatishga chaqirdi.
Jangovar harakatlarning ilk kunlarida BMT Xavfsizlik kengashi rezolyutsiya loyihasini ishlab chiqib, unda Rossiyani Ukrainadagi harbiy operatsiyani to‘xtatishga chaqirgan edi. Ovoz berish natijalariga ko‘ra, Xavfsizlik kengashiga a’zo mamlakatlarning 11 tasi rezolyutsiya qabul qilinishini yoqlab chiqqan, bitta mamlakat qarshi chiqqan, uchta davlat, shu jumladan, Xitoy — betaraf qolgan. Rossiya rezolyutsiyaga veto qo‘ygan, shundan keyin u qabul qilinmay qolgan.
Mavzuga doir:
Izoh (0)