Bugun,

  • USD 11014.01
  • RUB 191.8
  • EUR 10674.78

Bu yil Yevropada bug‘doy yetishtirish hajmi pasayishi kutilmoqda. Bu haqda Wall Street Journal xabar berdi.

Foto: Bloomberg

Foto: Bloomberg

Yevropa Ittifoqidagi yomon hosil g‘alla bozorlariga bosimni yanada kuchaytirishi mumkin. Endi Fransiya bug‘doy ishlab chiqarishning 5 foizdan ko‘proq pasayishini prognoz qilmoqda.

Yevropa savdo assotsiatsiyasi Coceral avvalroq Yevropa Ittifoqi bo‘ylab don yetishtirish 2021-yildan 1,4 foizga kamayishini prognoz qilgan edi.

Fransiya Qishloq xo‘jaligi vazirligi ma’lumotlariga ko‘ra, mamlakat Yevropa qishloq xo‘jaligi mahsulotlarining qariyb 18 foizini tashkil qiladi. U dunyoda bug‘doy yetishtirish bo‘yicha Xitoy, Hindiston, Rossiya va AQSHdan keyin beshinchi o‘rinda, shuningdek, bug‘doy eksporti bo‘yicha to‘rtinchi o‘rinda turadi.

Mamlakat Fermerlar milliy uyushmasi ma’lumotlariga ko‘ra, quruq ob-havodan tashqari, yaqinda sodir bo‘lgan kuchli bo‘ronlar butun mamlakat bo‘ylab qishloq xo‘jaligi ekinlari, jumladan, bug‘doy, meva va uzumzorlarga zarar yetkazgan.

Yevropa Ittifoqi bu yil o‘tgan yilga nisbatan 5 foizga kamroq bug‘doy ishlab chiqarishini kutayotganini aytdi.

Mutaxassislarga ko‘ra, o‘ta issiq havo — simobning mavsumiy o‘rtacha ko‘rsatkichlardan ancha yuqori ko‘tarilishi Yevropadagi barcha boshoqli ekinlar holatiga salbiy ta’sir ko‘rsatdi.

Birlashgan Millatlar Tashkilotining Oziq-ovqat va qishloq xo‘jaligi tashkiloti Global oziq-ovqat hisobotida makkajo‘xori, bug‘doy va boshqa don kabi ekinlarni o‘z ichiga olgan don ishlab chiqarish 2022-yilda 2,78 mlrd metrik tonnani tashkil etishi kutilmoqda.

Bu ko‘rsatkich 2021-yilga nisbatan 16 mln metrik tonnaga kamaygan. Nisbatan kichik hajm bo‘lsa-da, bu to‘rt yil ichida birinchi pasayish hisoblanadi.

Avvalroq O‘zbekistondagi g‘alla islohoti haqida xabar berilgan edi.

Izoh
Asosiy yangiliklar
Sport
YCHL. “Bavariya” o‘z maydonida raqibini tor-mor etdi, “Marsel” 5 ta gol urilgan o‘yinda “Sporting” ustidan yirik hisobda g‘alaba qozondi
Mahalliy
“Daryo” kundaligida 4-oktabrda sodir bo‘lgan eng muhim voqealar
Dunyo
Belgorod shahri osmonida noma’lum uchqun paydo bo‘ldi (video)