Журналист Даря Дугинани ўлдиришда гумонланувчи Наталя Вовк эҳтимолий жиноятни содир этишдан сал аввал ўзини Юлия деб таништириб ва Қозоғистон паспортини кўрсатиб, бир гаражни ижарага олган, деб ёзади «РБК» «РЕН ТВ»га таяниб. Янгилик сарлавҳасида паспорт қалбаки деб айтилган.
Канал маълумотларига кўра, гараж ижарага берилиши ҳақида эълон жойлаштирилиши билан Вовк унинг эгаси билан боғланган ва гараж унга бор-йўғи бир ҳафтага кераклигини айтган бўлса-да, бир ойлик иажара ҳақини олдиндан тўлаб қўйган.
19 август куни ижарага берувчи «Юлия»дан ижара муддатини узайтириш-узайтирмаслиги ҳақида сўраган, у эса эртаси куни бунинг жавобини айтишга ваъда берган (Дугина 20 августда ўлдирилган). Бу вақтгача эса у гараж-қурилиш кооперативи қоровулхонасига калит ва пропускни ташлаб кетган.
Гараж эгасининг айтишича, у ерда ҳеч нарсага тегилмаган. Гараж Дугина яшаган ва Вовкнинг ўзи ҳам қизи билан ижарада турган уйдан 4 км узоқликда жойлашган.
Даря Дугина — файласуф Александр Дугиннинг қизи — 20 август куни Подмосковеда автомобили портлаб кетиши оқибатида ҳалок бўлди. Россия Федерал хавфсизлик хизмати унинг ўлдириб кетилишини Украина махсус хизматлари уюштирганини, қотиллик ижрочиси эса Украина фуқароси Наталя Вовк бўлганини маълум қилди. У 12 ёшли қизи билан Россияга келиб, Дугина яшайдиган уйда хонадон ижарага олган ва уни кузатган, унинг автомобили масофадан туриб портлатилганидан кейин эса Эстонияга жўнаб кетган. Киев Дугинанинг ўлдирилишига алоқадорлигини рад этмоқда.
Мавзуга доир:
- «Биз жавобгар эмаслигимиз аниқ». Владимир Зеленский — Даря Дугинанинг ўлдирилиши ҳақида
- «Украина Қуролли кучларида хизмат қилувчи, шекилли». Даря Дугинани ўлдирганликда гумонланувчининг «отаси» билан интервью эълон қилинди
- Александр Дугин суиқасд нишони бўлмаган, қотиллар фақат унинг қизи Даря Дугинани кузатган — ОАВ
Изоҳ (0)