Hindistonlik uch zobit tasodifan Pokistonga raketa uchirgani uchun ishdan haydaldi, deb ma’lum qildi Hindiston mudofaa vazirligi matbuot xizmati. Bu haqda “Tengrinews” xabar bermoqda.
Mudofaa vazirligining ta’kidlashicha, hodisaning sababi, harbiylar tomonidan o‘rnatilgan standart operatsiya tartib-qoidalaridan chetga chiqish.
Ushbu uch zobit birinchi bo‘lib voqea uchun javobgarlikka tortildi. Ularning xizmati Hindiston hukumati tomonidan darhol to‘xtatildi”, — deyiladi xabarda.Pokiston armiyasi ma’lumotlariga ko‘ra, joriy yilning 9-mart kuni kechqurun mamlakat harbiy-havo kuchlari Hindistonda trayektoriyasini o‘zgartirgan va Pokiston hududiga qulagan “tez uchar obyekt”ni topib, ba’zilariga zarar yetkazgan.
Hodisa oqibatida jabrlanganlar va halok bo‘lganlar yo‘q.
Pokiston Tashqi ishlar vazirligi Hindistonning Islomoboddagi Muvaqqat ishlar vakiliga qo‘ng‘iroq qilgani va hindistonlik “tovushdan tez uchuvchi jism” tomonidan mamlakat havo hududini asossiz ravishda buzgani uchun unga keskin norozilik bildirganini ma’lum qilgan.
Bo‘shatish to‘g‘risidagi buyruq esa 23-avgust kuni ofitserlarga topshirilgan.
Izoh (0)