Forbes: Rossiya urushning yarim yili davomida 16,5 mlrd dollarlik harbiy texnikasidan ayrildi

Ukrainaga to‘liq ko‘lamda bostirib kirishni boshlaganidan buyon o‘tgan olti oy davomida Rossiya Mudofaa vazirligi, raketalarni hisobga olmaganda, 16,56 milliard dollarlik 12 142 dona harbiy texnikasini yo‘qotgan. Bunday hisob-kitoblarni Forbes jurnalining ukraincha versiyasi keltirib o‘tdi, deb yozadi Meduza.

Ukraina Qurolli kuchlari Bosh shtabi ma’lumotlariga ko‘ra, Rossiya armiyasi yarim yil ichida 1924 ta tank, 234 ta samolyot, 199 ta vertolyot, 15 ta kema, 196 ta qanotli raketasidan ayrilgan.

Forbes Rossiya armiyasining eng qimmatbaho talafotlarini keltirib o‘tdi. Bular:

• “Moskva” raketa kreyseri (uning qiymatini nashr 750 million dollarga baholamoqda);
• Il-76 samolyoti (Ukraina u fevral oxirida Kiyev viloyatida urib tushirilganini ma’lum qilgandi; ammo buning ko‘rgazmali dalillari yo‘q. Forbes ma’lumotlariga ko‘ra, samolyot 86 million dollar turadi);