Super og‘ir vazn toifasida WBC chempioni Tayson Fyurining amakivachchasi Riko Berton o‘ldirib ketildi.
Politsiya bayonotiga ko‘ra, Manchesterda 31 yoshli va 17 yoshli shaxs pichoq orqali yetkazilgan jarohatlar bilan topilgan. 31 yoshli shaxs vafot etgan, 17 yoshli yigit esa og‘ir ahvolda qolmoqda.
Buyuk Britaniya nashrlari 31 yoshli shaxs Fyurining amakivachchasi ekanini xabar qilmoqda.
Tayson ijtimoiy tarmoqlarda bu kabi jinoyatlarga og‘irroq jazo tayinlashni talab qilgan.
“Amakivachchamni o‘ldirishdi, uning bo‘yniga pichoq urishgan. Faqat ahmoqlar yonida pichoq olib yuradi. Buni iloji boricha tezroq to‘xtatish kerak. Britaniya hukumati pichoq orqali sodir etilgan jinoyatlarga qo‘llaniladigan jazoni darhol qat’iylashtirishi kerak, bu pandemiya”, — deya yozgan Tayson Fyuri.
Izoh (0)