“O‘zbekinvest”ning harbiy xizmatchilarning hayotini majburiy sug‘urta qilish bo‘yicha monopoliyasiga barham berildi. Vazirlar Mahkamasi 17-avgust kuni tegishli qarorni qabul qildi.
Hujjat bilan “Harbiy xizmatchilar va harbiy majburiyatli shaxslarning, oddiy askarlar hamda boshliqlar tarkibiga kiruvchi shaxsalarning davlat majburiy shaxsiy sug‘urtasi to‘g‘risida” 1994-yildagi qarorga o‘zgartirish va qo‘shimchalar kiritildi.
Endilikda vakolatli sug‘urtalovchi ochiq tanlov asosida tanlanadi. Milliy gvradiya, Mudofaa vazirligi, IIV, DXX, Elektron texnologiyalarni rivojlantirish markazi, Prezident Davlat xavfsizlik xizmati, Davlat bojxona qo‘mitasi va FVV har yili vakolatli sug‘urtalovchi bilan shartnomalar tuzadi.
Eslatib o‘tamiz, “O‘zbekinvest” eksport-import milliy sug‘urta kompaniyasi (vakil qilingan sug‘urtalovchi) majburiy davlat sug‘urtasi o‘tkazishni mazkur qarorda belgilangan tartibda 2003-yil 1-yanvardan boshlagan edi. Endilikda bunday monopol huquq o‘z kuchini yo‘qotdi.
Izoh (0)