“Nest One binosining eng yuqori qavatidan Toshkent viloyati hamda Qozog‘iston hududlari ko‘rinadi” — Murod Nazarov

Shavkat Mirziyoyev tadbirkorlar bilan muloqoti davomida tadbirkor Murod Nazarov bilan suhbatda bo‘ldi, deb xabar bermoqda “Daryo” muxbiri.

Prezident mamlakatda bo‘layotgan qurilishlar haqida gapirib, tadbirkor Murod Nazarovdan qachon Nest One binosiga taklif qilishini so‘radi.

“To‘liq qilib kelasi yili bahorlarda bitiramiz. Nasib qilsa, Navro‘z bayramiga taklif qilaman”, — dedi tadbirkor.

Davlat rahbari Murod Nazarovga o‘zi bergan topshirig‘ini so‘rab, jumladan, shunday deydi:

“Bergan topshirig‘im esingdami? Uning aytishicha, binoning eng yuqori qavatidan Jizzax ham ko‘rinar ekan”.

“Nest One binosining eng yuqori qavatidan Toshkent viloyati hamda Qozog‘iston hududlari ko‘rinadi”, deya qo‘shimcha qildi Murod Nazarov.