22-avgust kuni O‘zbekiston prezidenti Shavkat Mirziyoyevning Rossiya prezidenti Vladimir Putin bilan telefon orqali muloqot qildi.
Ikki tomonlama strategik sheriklik va ittifoqchilik munosabatlarini mustahkamlash, bo‘lajak oliy darajadagi tadbirlarni hisobga olib mintaqaviy hamkorlikni rivojlantirishning dolzarb masalalari ko‘rib chiqildi.
2022-yil sentabr oyi o‘rtasida Samarqand shahrida o‘tkaziladigan Shanxay hamkorlik tashkilotiga a’zo davlatlar rahbarlari kengashining navbatdagi yig‘ilishi doirasidagi uchrashuvlarga tayyorgarlik ko‘rish va ularni o‘tkazishga alohida e’tibor qaratildi.
Bundan tashqari, O‘zbekiston va Rossiya prezidentlari, eng avvalo, savdo-iqtisodiy va investitsiyaviy sohalarda qo‘shma loyiha va dasturlarni ilgari surishning amaliy jihatlarini muhokama qildilar.
Hukumatlar va idoralar darajasidagi faol aloqalar va almashinuvlarni davom ettirish muhimligi qayd etildi.
Ikki mamlakat yetakchilari O‘zbekiston va Rossiya hududlari o‘rtasidagi o‘zaro manfaatli hamkorlikni kengaytirishni qo‘llab-quvvatladilar. Shu munosabat bilan 2022-yilning kuzida mamlakatimizda Hududlararo forumning o‘tkazilishiga muhim ahamiyat berilmoqda.
Izoh (0)