«Ўзбекинвест»нинг ҳарбий хизматчиларнинг ҳаётини мажбурий суғурта қилиш бўйича монополиясига барҳам берилди. Вазирлар Маҳкамаси 17 август куни тегишли қарорни қабул қилди.
Ҳужжат билан «Ҳарбий хизматчилар ва ҳарбий мажбуриятли шахсларнинг, оддий аскарлар ҳамда бошлиқлар таркибига кирувчи шахсаларнинг давлат мажбурий шахсий суғуртаси тўғрисида» 1994 йилдаги қарорга ўзгартириш ва қўшимчалар киритилди.
Эндиликда ваколатли суғурталовчи очиқ танлов асосида танланади. Миллий гврадия, Мудофаа вазирлиги, ИИВ, ДХХ, Электрон технологияларни ривожлантириш маркази, Президент Давлат хавфсизлик хизмати, Давлат божхона қўмитаси ва ФВВ ҳар йили ваколатли суғурталовчи билан шартномалар тузади.
Эслатиб ўтамиз, «Ўзбекинвест» экспорт-импорт миллий суғурта компанияси (вакил қилинган суғурталовчи) мажбурий давлат суғуртаси ўтказишни мазкур қарорда белгиланган тартибда 2003 йил 1 январдан бошлаган эди. Эндиликда бундай монопол ҳуқуқ ўз кучини йўқотди.
Изоҳ (0)