2024-yilda suyultirilgan gaz hajmining oylik fondi bosqichma-bosqich 56 ming tonnagacha, xonadonlarga suyultirilgan gaz tashish hajmini oyiga o‘rtacha 1,9 tonnaga oshiriladi.
AOKAda o‘tkazilgan brifingda “Hududgazta’minot” AJ boshqarma boshlig‘i Rahmatulla Mannonov iste’molchilarga suyultirilgan gazni yetkazib berishda korrupsion holatlar va o‘g‘irlashning oldini olish, noqonuniy sotishga qarshi kurashish haqida ma’lumot berdi.
So‘nggi uch yilda iste’molchilarga suyultirilgan gaz yetkazib berish sohasi modernizatsiya qilindi. Jumladan, aholiga gaz ballonlarini “aylanma” usulda yetkazib berish yo‘lga qo‘yildi, avtotransport vositalari parki sezilarli darajada kengaytirildi, temir yo‘llari bo‘ylab yoqilg‘ini tashish uchun vagon-sisternalari sotib olindi.
Shuningdek, davlat-xususiy sherikchilik tamoyili asosida “E-Gaz” dasturi ishlab chiqilib, unda iste’molchilarga gaz yetkazib berishda naqd pul muomalasidan, naqd pulsiz shaklga o‘tkazildi.
Bunda 3,7 mln dan ortiq iste’molchi maxsus ID-kartalar bilan ta’minlandi hamda foydalanishdagi 4,7 mln maishiy gaz ballonga maxsus bar-kodli yorliqlar biriktirildi.
Izoh (0)