Toshkent shahrida 22–24-avgust kunlari SHHTga a’zo va kuzatuvchi davlatlarning harbiy orkestlari ishtirokida xalqaro festival bo‘lib o‘tadi. Bu haqda AOKAda o‘tkazilgan brifingda Mudofaa vazirligi axborot xizmati rahbari Otabek Yo‘ldoshev ma’lum qildi.
Festival dasturiga ko‘ra, 22-avgust kuni soat 19:00 dan 20:30 gacha Toshkent shahrining diqqatga sazovor joylarida O‘zbekiston va xorijiy davlatlar harbiy orkestrlarining ko‘rgazmali chiqishlari hamda konsert dasturlari namoyish etiladi.
Shuningdek, festivalda jahonning mumtoz asarlari, estrada va jaz musiqalari, ko‘rgazmali harbiy saf repertuarlari namoyish etiladi. Festivalning tantanali yopilish marosimiga bag‘ishlangan barcha harbiy orkestrlar ishtirokidagi “Tinchlik navosi” nomli xalqaro festivalning yakuniy gala-konserti 24-avgust kuni soat 13:00 dan boshlab poytaxtdagi Humo arena muz saroyi maydonida bo‘lib o‘tadi.
Izoh (0)