Buxoro viloyati Shofirkon tumanida fuqarolarga ishsizlik nafaqasi tayinlatib berishni va’da qilgan shaxslar ushlandi. Bu haqda Iqtisodiy jinoyatlarga qarshi kurashish departamenti ma’lum qildi.
Bosh prokuratura huzuridagi departamentning Shofirkon tumani bo‘limi tomonidan fuqarolarning murojaatlariga asosan tergovga qadar tekshiruv o‘tkazilgan. Unda tuman Aholi bandligiga ko‘maklashish markazining sobiq inspektori D.N. va uning tanishi A.T. 13 nafar fuqaroning ishonchiga kirib, ularga markaz rahbari orqali ishsizlik nafaqasi tayinlab berish evaziga 700 dollar va 6 million so‘mini qo‘lga kiritgani aniqlanib, ushbu pullar hisobidan fuqaro F.M.ga 500 ming so‘mni qaytarib bergan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)