O‘zbekistonda sug‘urta faoliyatini amalga oshirish huquqini beruvchi litsenziyaga ega sug‘urta tashkilotlari soni 127 foizga ko‘paydi. Bu haqda AOKAda Sug‘urta bozorini rivojlantirish agentligi va sug‘urta kompaniyalari rahbariyati va mutasaddilari ishtirokida o‘tkazilgan matbuot anjumanida ma’lum qilindi.
Qayd etilishicha, O‘zbekistonda 2022-yil 1-iyul holatiga sug‘urta faoliyatini amalga oshirish huquqini beruvchi litsenziyaga ega bo‘lgan jami 42 ta sug‘urta tashkiloti mavjud. (2019-yil 1-yarim yilligiga nisbatan 127 foizga o‘sgan). Shulardan, 34 tasi umumiy sug‘urta va 8 tasi hayotni sug‘urta qilish sohasida faoliyat yuritmoqda.
O‘zbekiston sug‘urta bozori ko‘rsatkichlari ko‘ra, 2022-yil 1-yarim yilligida 7 milliondan ortiq sug‘urta shartnomasi tuzilgan bo‘lib, (2019-yil 1-yarim yilligiga nisbatan 106 foiz), ular bo‘yicha 2 milliard 771 million so‘m sug‘urta mukofotlari yig‘ilgan, bu ko‘rsatkich 2021-yilning mazkur davriga nisbatan 63,2 foizga oshgan (2019-yil 1-yarim yilligiga nisbatan 2,2 barobarga o‘sgan).
Mavzuga doir: Hayotni sug‘urtalash barcha sug‘urta xizmatlarining deyarli uchdan bir qismini tashkil qildi — Statqo‘m
Izoh (0)