Ўзбекистонда суғурта фаолиятини амалга ошириш ҳуқуқини берувчи лицензияга эга суғурта ташкилотлари сони 127 фоизга кўпайди. Бу ҳақда АОКАда Суғурта бозорини ривожлантириш агентлиги ва суғурта компаниялари раҳбарияти ва мутасаддилари иштирокида ўтказилган матбуот анжуманида маълум қилинди.
Қайд этилишича, Ўзбекистонда 2022 йил 1 июль ҳолатига суғурта фаолиятини амалга ошириш ҳуқуқини берувчи лицензияга эга бўлган жами 42 та суғурта ташкилоти мавжуд. (2019 йил 1-ярим йиллигига нисбатан 127 фоизга ўсган). Шулардан, 34 таси умумий суғурта ва 8 таси ҳаётни суғурта қилиш соҳасида фаолият юритмоқда.
Ўзбекистон суғурта бозори кўрсаткичлари кўра, 2022 йил 1-ярим йиллигида 7 миллиондан ортиқ суғурта шартномаси тузилган бўлиб, (2019 йил 1-ярим йиллигига нисбатан 106 фоиз), улар бўйича 2 миллиард 771 миллион сўм суғурта мукофотлари йиғилган, бу кўрсаткич 2021 йилнинг мазкур даврига нисбатан 63,2 фоизга ошган (2019 йил 1-ярим йиллигига нисбатан 2,2 баробарга ўсган).
Мавзуга доир: Ҳаётни суғурталаш барча суғурта хизматларининг деярли учдан бир қисмини ташкил қилди — Статқўм
Изоҳ (0)