Bu haqda Senat raisi Tanzila Norboyeva 19-avgust kuni Toshkent shahrida bo‘lib o‘tayotgan SHHTning navbatdagi xotin-qizlar forumida aytib o‘tdi, deb xabar bermoqda “Daryo” muxbiri.
Senat raisiga ko‘ra, xotin-qizlarning bandlik darajasi va ularning iqtisodiyotning turli tarmoqlaridagi ishtiroki o‘rtacha 49 foizni tashkil etadi. Ayni paytda SHHTga a’zo mamlakatlarda deputat ayollar salmog‘i qariyb 20 foizga, vazirliklar darajasidagi rahbarlar esa 10 foizga oshdi.
“Bugungi kunda parlamentdagi ayollarning ulushi 33 foizni (2016-yilda – 16 foiz) tashkil etadi va bu ko‘rsatkich bo‘yicha O‘zbekiston dunyoning 190 ta davlati orasida 45-o‘rinni egalladi. Davlat boshqaruvi organlarida 2016-yilda ayollar soni 4 foizdan oshmagan bo‘lsa, bugungi kunda rahbarlik lavozimlarining 27 foizini ayollar egallagan”, — deya ta’kidladi Senat raisi Tanzila Norboyeva.
Qayd etilishicha, so‘nggi yillarda SHHTga a’zo davlatlarda ayollarning teng huquqliligi va siyosiy va ijtimoiy-iqtisodiy muammolarni hal etishda to‘laqonli ishtirok etishi mamlakatlarning iqtisodiy rivojlanishi, jamiyatni demokratlashtirish va barqarorligini ta’minlashning zarur sharti sifatida qaralmoqda.
Izoh (0)