Farg‘ona viloyati Qo‘qon shahrida qarzdor otadan 120 million so‘m aliment puli undirildi. Bu haqda Majburiy ijro byurosi axborot xizmati xabar berdi.
Qayd etilishicha, byuroning Qo‘qon shahri bo‘limi ish yurituvida bo‘lgan FIB Qo‘qon tumanlararo sudining 2016-yildagi qarzdor R.A.dan undiruvchi R.Sh. foydasiga ikki nafar farzandining moddiy ta’minoti uchun aliment undirish belgilangan bo‘lib, qarzdor alimentni vaqtida to‘lamay kelgan.
Davlat ijrochisi tomonidan aliment undirish davomida qarzdor R.A.ga qonunda belgilangan huquq va majburiyatlari tushuntirilgach, qarzdor undiruvchi R.Sh. bilan o‘zaro kelishgan holda farzandlarining 18 yoshga to‘lguniga qadar bo‘lgan 120 million so‘m aliment mablag‘ini 18-avgust kuni undiruvchining plastik kartasiga o‘tkazib, alimentni oldindan to‘liq to‘lab berdi. Ijro hujjati undiruvchi R.Sh.ning arizasiga asosan tamomlandi.
Avvalroq Chirchiqda ota farzandi uchun 110 mln so‘m aliment pulini oldindan to‘lagani xabar qilingandi.
Izoh (0)