Туркия ва Исроил муносабатлардаги бир неча йиллик кескинликдан сўнг ҳар икки мамлакат элчи ва бош консулларини қайтариб, дипломатик алоқаларни тўлиқ тиклади. Бу ҳақда «Интерфакс» хабар бермоқда.
Туркия билан муносабатларнинг тикланиши минтақавий барқарорликка қўшилган муҳим ҳисса ва Исроил фуқаролари учун ўта муҳим иқтисодий бойликдир, — деган Исроил бош вазири Яир Лапид.Туркия ташқи ишлар вазири Мавлут Чавушўғли, ўз навбатида, Туркия ва Исроил «муносабатларни нормаллаштириш» мақсадида элчи алмашишга келишиб олганини тасдиқлади. Шу билан биргаликда, Анқара фаластинликларни қўллаб-қувватлашда давом этишини ҳам қўшимча қилди.
Бундан ташқари, яқин келажакда томонлар иқтисодий ҳамкорликка бағишланган учрашув ўтказади, дейди Чавушўғли.
Маълум бўлишича, ўз навбатида, бу қарор Лапиднинг Туркия президенти Ражаб Тоййиб Эрдўғон билан яқинда бўлган телефон суҳбатидан сўнг қабул қилинганини таъкидлаган.
Эслатиб ўтамиз, 2018 йилнинг май ойида Туркия ўз элчисини чақириб олиб, Исроил элчисидан Исроил—Ғазо чегарасидаги зўравонлик ва тартибсизликлар ортидан Туркияни тарк этишини талаб қилган эди. Кейин томонлар бир-бирларини кескин танқид остига олди, бунинг ортидан келишмовчиликлар пайдо бўлди.
Изоҳ (0)