O‘zbekistondagi eng yirik EPS pudratchisi Enter Engineering va WOOD (Avstraliya) injiniring-konsalting kompaniyasi Qoraqalpog‘istondagi Tebinbuloq konida boyitish fabrikasini detalli loyihalash bo‘yicha shartnoma imzoladi.
Shartnomani Enter Engineering tomonidan kompaniya bosh direktori Ulug‘bek Usmonov va WOOD (Avstraliya) kompaniyasi tomonidan foydali qazilmalarni qazib olish bo‘yicha katta vitse-prezident Greg Xeys imzoladi.
Mazkur shartnoma yiliga 5 million tonnagacha temir rudasi konsentratini ishlab chiqarish quvvatiga ega bo‘lgan boyitish fabrikasini loyihalashtirish bo‘yicha ishlarni ko‘zda tutadi.
Boyitish fabrikasi Qoraqalpog‘istonda Tebinbuloq temir rudasi koni negizida barpo etilayotgan tog‘-metallurgiya majmuasi tarkibiga kiradi. Majmua 58 million tonna qazib olingan ruda konsentratidan tashqari, 3,6 million tonnagacha bilvosita tiklanuvchi temirni ishlab chiqaradi. Ushbu hajmdan 1,8 million tonna bilvosita tiklanuvchi temir Bekoboddagi metallurgiya zavodiga yetkazib beriladi. Qolgan xom ashyodan Tebinbuloqdagi zavodda 1,5 million tonna tayyor mahsulot ishlab chiqariladi.
Loyihaning Qoraqalpog‘istonda amalga oshirilishi mamlakatimizda birinchi marta O‘zbekiston prezidenti Shavkat Mirziyoyev tomonidan e’lon qilingan “xom ashyodan tayyor mahsulotgacha” tamoyili bo‘yicha quriladigan qora metallurgiya korxonasini tashkil etish imkonini beradi.
WOOD kompaniyasi dunyodagi eng yirik sanoat korxonalarini qurish borasida 160-yillik tajribaga ega loyihachi sifatida shuhrat qozongan.
Detalli loyihalashga qo‘shimcha ravishda, WOOD kompaniyasi eng yaxshi yetkazib beruvchilar orasida mavjud xalqaro tajribasiga asoslanib, korxona uchun muhim bo‘lgan uskunalarni sotib olishda yo‘l-yo‘riq ko‘rsatish xizmatini ham taqdim etadi.
Izoh (0)