Toshkentdan Farg‘onaga uchishi kerak bo‘lgan samolyot noma’lum sabablarga ko‘ra kechikdi. Bu haqda “Daryo”ga xabar bergan yo‘lovchi samolyot 14:20 da uchishi kerakligini, ammo samolyotning oldi ballonida muammo yuzaga kelgani sabab, reys kechikayotgan bo‘lishi mumkinligini taxmin qilmoqda.
“Samolyot uchgani yo‘q. U Toshkentda turibdi, yo‘lovchilar ham aeroportda kutmoqda. Ayniqsa, yosh bolali yo‘lovchilarga qiyin bo‘ldi”, — deydi yo‘lovchilardan biri.
Yo‘lovchining qo‘shimcha qilishicha, mas’ullar reysning kechikish sababi haqida lom-mim demagan.
“Biz kutib o‘tiribmiz, hamma asabiy, mas’ullar esa bir og‘iz nega kechikyapti, sababi nimadan iboratligi haqida aytishmadi ham”, — deydi yo‘lovchi.
Izoh (0)