Germaniyaning tabiiy gaz zahiralari odatdagidan tezroq to‘ldirilayotgan bo‘lishi mumkin, ammo mamlakat hali ham qishdan o‘tish uchun yetarli yoqilg‘iga ega bo‘lishga harakat qilmoqda. Bu haqda Bloomberg xabar berdi.
Noyabrga qadar Germaniyaning gaz zahiralarini 95 foiz to‘ldirish maqsadi bajarilsa ham, agar Rossiya ta’minotni to‘liq to‘xtatsa, bu isitish, sanoat va energiyaga bo‘lgan talabning atiga 2 yarim oylik qismini qoplaydi.
Hali belgilangan muddatga 2 hafta borligiga qaramay, zahiralar 77 foizga to‘ldirilgan. 27-iyuldan boshlab “Shimoliy oqim”ning ikkita gaz turbinasi yopilishi sababli maksimal quvvatining taxminan 20 foizida foydalanilmoqda.
Bu kurash Yevropaning keyingi o‘n yilliklardagi eng yomon energetika inqirozini yanada kuchaytirdi. Holat kelgusi yilda ham davom etadi.
Men Germaniyadagi barcha omborxonalar noyabr oyida, hatto yaxshi talab va taklif sharoitida ham 95 foiz to‘ladi, deb va’da qila olmayman. Eng yaxshi ssenariyda omborlarning to‘rtdan uch qismi to‘ldiriladi, — dedi Germaniya regulyatori rahbari Klaus Myuller.
Avvalroq Yevropada gaz narxi qanday qilib rekord darajaga yetgani haqida xabar berilgandi.
Izoh (0)