O‘zbekiston mahsulotlar eksportini keskin ko‘paytirdi

O‘zbekistonning tashqi savdo aylanmasi 28,1 mlrd dollarga yetdi. Bu haqda Davlat statistika qo‘mitasi xabar bermoqda.

Tashqi savdo aylanmasi o‘tgan yilning mos davri bilan solishtirilganda 6,3 mlrd dollarga oshgan. 

Bunda eksport 11,3 mlrd dollarga yetgan bo‘lsa, import 16,8 mlrd dollarni tashkil qildi. Salbiy saldo — 5,5 mlrd dollar. 

O‘zbekistonning eksporti o‘tgan yilga nisbatan 3,2 mlrd dollarga ko‘paydi. Bunda o‘sish asosan mahsulotlarni sotish orqali ta’minlandi. O‘sish ko‘rsatkichi 70 foizdan oshiq bo‘ldi. 

2021-yilning dastlabki yetti oyida mahsulotlar eksporti 5,4 mlrd dollar edi. Joriy yilda bu ko‘rsatkich keskin oshib 9,3 mlrd dollarga yetdi. 

Bir yil ichida xizmatlar sohasida eksport bo‘yicha 700 mln dollarlik o‘sish kuzatilib, 2 mlrd dollarga yetdi. 

Mamlakat importi 2021-yil bilan taqqoslanganda 3,4 mlrd dollarga oshdi. Bunda o‘sish asosan mahsulotlar sotib olish bilan yuzaga keldi — 15,4 mlrd dollar. Bundan tashqari 1,4 mlrd dollarlik xizmatlar import qilingan.