Qozog‘iston moliya vaziri Yerulan Jamaubayev mamlakat Rossiyaning Yevrosiyo taraqqiyot bankidagi (YTB) ulushining bir qismini sotib olishdan manfaatdor ekanini aytdi. Bu haqda “Kommersant” xabar bermoqda.
Kelishuv muhokama qilinayotganiga qaramay, xarid bo‘yicha yakuniy qaror hali qabul qilinmagan.
YTB o‘z a’zo davlatlarining iqtisodiy o‘sishiga ko‘maklashish maqsadida tashkil etilgan xalqaro tashkilotdir. Unga Armaniston, Belarus, Qozog‘iston, Qirg‘iziston, Rossiya va Tojikiston a’zolari kiradi.
Bank ustav kapitalida Rossiya 66 foiz, Qozog‘iston 33 foiz, Belarus 1 foiz ulushiga ega, boshqa mamlakatlarning ulushi bundan ham kamroq.
Umuman olganda, shunday ritorika bor, biz buni inkor etmaymiz. Bu, albatta, ish muhitida muhokama qilinadi. Ammo hozircha yakuniy qaror yo‘q, chunki hammasi qanday ulush taklif qilinishiga, bu moliyaviy nuqtai nazardan qanchalik qimmat bo‘lishiga bog‘liq, — dedi Jamaubayev.
Uning aniqlik kiritishicha, YTB hozir barqaror ishlamoqda va bank sanksiyalar bosimidan deyarli zarar ko‘rmagan.
Hozirda bank portfelining 36 foizi Qozog‘iston, 39 foizi Rossiya, 23 foizi Belarus hissasiga to‘g‘ri keladi. YTBning portfeli 4,4 mlrd dollarni tashkil etadi.
Izoh (0)