Германиянинг табиий газ заҳиралари одатдагидан тезроқ тўлдирилаётган бўлиши мумкин, аммо мамлакат ҳали ҳам қишдан ўтиш учун етарли ёқилғига эга бўлишга ҳаракат қилмоқда. Бу ҳақда Bloomberg хабар берди.
Ноябрга қадар Германиянинг газ заҳираларини 95 фоиз тўлдириш мақсади бажарилса ҳам, агар Россия таъминотни тўлиқ тўхтаца, бу иситиш, саноат ва энергияга бўлган талабнинг атига 2 ярим ойлик қисмини қоплайди.
Ҳали белгиланган муддатга 2 ҳафта борлигига қарамай, заҳиралар 77 фоизга тўлдирилган. 27 июлдан бошлаб «Шимолий оқим»нинг иккита газ турбинаси ёпилиши сабабли максимал қувватининг тахминан 20 фоизида фойдаланилмоқда.
Бу кураш Европанинг кейинги ўн йилликлардаги энг ёмон энергетика инқирозини янада кучайтирди. Ҳолат келгуси йилда ҳам давом этади.
Мен Германиядаги барча омборхоналар ноябрь ойида, ҳатто яхши талаб ва таклиф шароитида ҳам 95 фоиз тўлади, деб ваъда қила олмайман. Энг яхши сценарийда омборларнинг тўртдан уч қисми тўлдирилади, — деди Германия регулятори раҳбари Клаус Мюллер.
Аввалроқ Европада газ нархи қандай қилиб рекорд даражага етгани ҳақида хабар берилганди.
Изоҳ (0)