Xitoyning Jahon savdo tashkilotiga a’zo bo‘lishi va “Bir makon, bir yo‘l” tashabbusini uzluksiz ilgari surib borishi bilan Xitoy kompaniyalarining “xorijga chiqish” strategiyasi sari yo‘li kengayib bormoqda.
O‘zbekiston va Xitoy 1992-yil 2-yanvarda o‘zaro diplomatik munosabatlar o‘rnatgan. 2014-yilda O‘zbekistonda Xitoyning birinchi sanoat zonasi tashkil etilishidan boshlab, 2021-yilda Xitoy kompaniyalarining issiqlik energetikasi bo‘yicha O‘zbekistondagi eng yirik loyihasini imzolashigacha bo‘lgan davr mobaynida O‘zbekistonda tobora ko‘proq Xitoy korxonalari tashkil etilib, o‘zlarining biznes yuritishdagi sharqqa xos donoliklarini olamga namoyish etib kelmoqda. 2022-yilning birinchi yarmi holatiga ko‘ra, O‘zbekistonda ikki mingdan ortiq Xitoy kompaniyalari faoliyat yuritmoqda. Xitoy korxonalarining mamlakatda biznesni muvaffaqiyatli olib borishida Xitoy davlat kengashining ilm-fanni rivojlantirishga qaratilgan tashqi siyosati va O‘zbekistonda xorijiy investorlar uchun yaratilgan qulay shart-sharoitlar muhim rol o‘ynaydi.
O‘zbekiston prezidenti Shavkat Mirziyoyev 2019-yilning aprel oyida Xitoy Xalq Respublikasiga davlat tashrifi bilan bordi. Xitoy Xalq Respublikasi raisi Si Tszinpin bilan bo‘lgan uchrashuvda O‘zbekistonga investitsiyalarni jalb qilish, innovatsion va texnologik hamkorlikni rivojlantirish istiqbollari muhokama qilindi. Shuningdek, turli sohalarda yangi qo‘shma loyihalar ishlab chiqish taklifi kiritildi. Bu davrda ikki davlat o‘rtasida tuzilgan bitimni amalga oshirish uchun O‘zbekiston bosh vaziri rahbarligida ikki davlat o‘rtasida tuzilgan kelishuvlarni amalga oshirish uchun maxsus ishchi guruh tuzildi.
Ushbu bitim Xitoy Xalq Respublikasi Eksport-import banki tomonidan O‘zbekistonga 150 million AQSH dollari miqdorida imtiyozli kredit berishni o‘z ichiga oladi. Mazkur mablag‘lar uskunalar ishlab chiqarish sohasida xalqaro hamkorlik strategiyasini amalga oshirishni jadallashtirish hamda asosiy davlatlar va hududlar bilan iqtisodiy va savdo aloqalarini rivojlantirish sohasida “Bir makon, bir yo‘l” tashabbusi doirasida taqdim etiladigan muayyan imtiyozli shartlarga ega rasmiy qo‘llab-quvvatlash krediti hisoblanadi. Xususan, bu kreditdan asosan, aloqa vositalarini modernizatsiya qilish va Mobiuz aloqa operatori tarmog‘ini kengaytirish uchun foydalanilmoqda. Moliyalastirish to‘g‘risidagi bitim Xitoyning O‘zbekistondagi elchixonasi, Axborot texnologiyalari va kommunikatsiyalarini rivojlantirish vazirligi, Investitsiyalar va tashqi savdo vazirligi, O‘zbekiston Respublikasi Tashqi Iqtisodiy faoliyat milliy banki, Huawei kompaniyasi va boshqa tomonlarning faol ko‘magida to‘liq imzolandi va 2021-yil avgust oyida kuchga kirdi.
Kommunikatsiya uskunalarini modernizatsiyalash va tarmoqlarni kengaytirish (moliyalashtirish) loyihasi bir qator vazifalarni hal qilishga qaratilgan, shu jumladan:
- yirik shaharlar va viloyat markazlarida barqaror mobil internetni ta’minlash uchun simsiz tarmoqning uzatish imkoniyatlarini oshirish;
- 4G LTE qamrovini kengaytirish va chekka hududlarda simsiz tarmoqlar sifati va tezligini yaxshilash;
- “Raqamli O‘zbekiston – 2030” strategiyasi doirasida zamonaviy texnologiyalarni, shunigdek, 5-avlod tarmoq texnologiyalarini joriy etish.
Uzoq muddatli istiqbolda ushbu moliyalashtirish loyihasi O‘zbekistonning raqamli transformatsiyasi uchun zarur bo‘lgan infratuzilmani qurish va texnologiyalarni rivojlantirish sohasiga professional investitsiyalar kiritish orqali O‘zbekistonda axborotni saqlash xavfsizligi va boshqaruv samaradorligini oshirish imkonini beradi. Tarmoqning kelgusidagi kengayishi universal aloqa qamrovi muammosini hal qiladi, chekka hududlarda aloqa xizmatlari ko‘rsatishni kafolatlaydi, butun mamlakat bo‘ylab masofaviy ta’lim va “aqlli shaharlar” tarmoqlarini rivojlantirishni to‘la-to‘kis qo‘llab-quvvatlaydi. 5G tarmoqlarini joriy etish va rivojlantirish “Raqamli O‘zbekiston – 2030” strategiyasini amalga oshirishni tezlashtiradi va raqamli iqtisodiyotni rivojlantirishni faol qo‘llab-quvvatlaydi. Aloqa infratuzilmasi loyihasi sifatida ushbu tashabbus nafaqat mahalliy iqtisodiyotni uzoq muddatli qo‘llab-quvvatlash, balki ikki davlat o‘rtasidagi do‘stlik va texnik hamkorlikni yanada chuqurlashtirib, O‘zbekiston aholisi manfaati uchun xizmat qiladi.
Reklama huquqi asosida.
Izoh (0)