Хитойнинг Жаҳон савдо ташкилотига аъзо бўлиши ва «Бир макон, бир йўл» ташаббусини узлуксиз илгари суриб бориши билан Хитой компанияларининг «хорижга чиқиш» стратегияси сари йўли кенгайиб бормоқда.
Ўзбекистон ва Хитой 1992 йил 2 январда ўзаро дипломатик муносабатлар ўрнатган. 2014 йилда Ўзбекистонда Хитойнинг биринчи саноат зонаси ташкил этилишидан бошлаб, 2021 йилда Хитой компанияларининг иссиқлик энергетикаси бўйича Ўзбекистондаги энг йирик лойиҳасини имзолашигача бўлган давр мобайнида Ўзбекистонда тобора кўпроқ Хитой корхоналари ташкил этилиб, ўзларининг бизнес юритишдаги шарққа хос доноликларини оламга намойиш этиб келмоқда. 2022 йилнинг биринчи ярми ҳолатига кўра, Ўзбекистонда икки мингдан ортиқ Хитой компаниялари фаолият юритмоқда. Хитой корхоналарининг мамлакатда бизнесни муваффақиятли олиб боришида Хитой давлат кенгашининг илм-фанни ривожлантиришга қаратилган ташқи сиёсати ва Ўзбекистонда хорижий инвесторлар учун яратилган қулай шарт-шароитлар муҳим рол ўйнайди.
Ўзбекистон президенти Шавкат Мирзиёев 2019 йилнинг апрель ойида Хитой Халқ Республикасига давлат ташрифи билан борди. Хитой Халқ Республикаси раиси Си Цзинпин билан бўлган учрашувда Ўзбекистонга инвестицияларни жалб қилиш, инновацион ва технологик ҳамкорликни ривожлантириш истиқболлари муҳокама қилинди. Шунингдек, турли соҳаларда янги қўшма лойиҳалар ишлаб чиқиш таклифи киритилди. Бу даврда икки давлат ўртасида тузилган битимни амалга ошириш учун Ўзбекистон бош вазири раҳбарлигида икки давлат ўртасида тузилган келишувларни амалга ошириш учун махсус ишчи гуруҳ тузилди.
Ушбу битим Хитой Халқ Республикаси Экспорт-импорт банки томонидан Ўзбекистонга 150 миллион АҚШ доллари миқдорида имтиёзли кредит беришни ўз ичига олади. Мазкур маблағлар ускуналар ишлаб чиқариш соҳасида халқаро ҳамкорлик стратегиясини амалга оширишни жадаллаштириш ҳамда асосий давлатлар ва ҳудудлар билан иқтисодий ва савдо алоқаларини ривожлантириш соҳасида «Бир макон, бир йўл» ташаббуси доирасида тақдим этиладиган муайян имтиёзли шартларга эга расмий қўллаб-қувватлаш кредити ҳисобланади. Хусусан, бу кредитдан асосан, алоқа воситаларини модернизация қилиш ва Mobiuz алоқа оператори тармоғини кенгайтириш учун фойдаланилмоқда. Молияластириш тўғрисидаги битим Хитойнинг Ўзбекистондаги элчихонаси, Ахборот технологиялари ва коммуникацияларини ривожлантириш вазирлиги, Investициялар ва ташқи савдо вазирлиги, Ўзбекистон Республикаси Ташқи Иқтисодий фаолият миллий банки, Huawei компанияси ва бошқа томонларнинг фаол кўмагида тўлиқ имзоланди ва 2021 йил август ойида кучга кирди.
Коммуникация ускуналарини модернизациялаш ва тармоқларни кенгайтириш (молиялаштириш) лойиҳаси бир қатор вазифаларни ҳал қилишга қаратилган, шу жумладан:
- йирик шаҳарлар ва вилоят марказларида барқарор мобил интернетни таъминлаш учун симсиз тармоқнинг узатиш имкониятларини ошириш;
- 4G LTE қамровини кенгайтириш ва чекка ҳудудларда симсиз тармоқлар сифати ва тезлигини яхшилаш;
- «Рақамли Ўзбекистон – 2030» стратегияси доирасида замонавий технологияларни, шунигдек, 5-авлод тармоқ технологияларини жорий этиш.
Узоқ муддатли истиқболда ушбу молиялаштириш лойиҳаси Ўзбекистоннинг рақамли трансформацияси учун зарур бўлган инфратузилмани қуриш ва технологияларни ривожлантириш соҳасига профессионал инвестициялар киритиш орқали Ўзбекистонда ахборотни сақлаш хавфсизлиги ва бошқарув самарадорлигини ошириш имконини беради. Тармоқнинг келгусидаги кенгайиши универсал алоқа қамрови муаммосини ҳал қилади, чекка ҳудудларда алоқа хизматлари кўрсатишни кафолатлайди, бутун мамлакат бўйлаб масофавий таълим ва «ақлли шаҳарлар» тармоқларини ривожлантиришни тўла-тўкис қўллаб-қувватлайди. 5Г тармоқларини жорий этиш ва ривожлантириш «Рақамли Ўзбекистон – 2030» стратегиясини амалга оширишни тезлаштиради ва рақамли иқтисодиётни ривожлантиришни фаол қўллаб-қувватлайди. Алоқа инфратузилмаси лойиҳаси сифатида ушбу ташаббус нафақат маҳаллий иқтисодиётни узоқ муддатли қўллаб-қувватлаш, балки икки давлат ўртасидаги дўстлик ва техник ҳамкорликни янада чуқурлаштириб, Ўзбекистон аҳолиси манфаати учун хизмат қилади.
Реклама ҳуқуқи асосида.
Изоҳ (0)