Agar siz Gruziyaga kelsangiz, aeroportning o‘zidayoq TBC bankka duch kelasiz. 30 yillik tarixga ega ushbu bankning keng tarmoqli ofis va bankomatlari butun mamlakat bo‘ylab faoliyat yuritadi. TBC brendi esa Gruziyadagi eng mashhur bank brendi hisoblanadi.
Bank London fond birjasida ro‘yxatdan o‘tgan TBC Bank Group kompaniyalar guruhi tarkibiga kiradi. TBC va uning sho‘ba kompaniyalarining Gruziya bozoridagi umumiy ulushi mijozlarning 39,1 foiz krediti va 40,7 foiz depozitini tashkil qiladi.
2020-yilning aprelida TBC Bank O‘zbekistonda ilk raqamli bank sifatida ro‘yxatdan o‘tdi va mamlakatning digital-banking sohasi rivojiga munosib hissa qo‘shdi. TBC Bank Group PLC’ga tegishli “Space” innovatsion fintex-platforma bazasida ish boshlagan bank foydalanuvchilarga mobil ilova orqali chakana moliyaviy xizmatlarni ko‘rsatib kelmoqda. 2020-yilning dekabr oyida TBC Kredit ishga tushdi va shu bilan bankning tijoriy faoliyatiga start berildi. Yuqori faollik natijasida va mijozlar uchun dolzarb bo‘lgan moliyaviy mahsulotlar evaziga 2022-yilning iyul oyiga kelib, TBC UZ ilovasi 2,4 million marta yuklab olindi. Bugungi kunda mamlakat bo‘ylab 12 ta shaharda hammasi bo‘lib 10 ta shourum va 33 ta mijozlarni faollashtirish nuqtalari faoliyat olib bormoqda.
TBC Bank’ning maqsadi – oddiy smartfon orqali onlayn-banking xizmatlarini ko‘rsatib, odamlar hayotini osonlashtirish. Biroq, bankning barcha xizmatlaridan masofadan turib foydalanish imkoni mavjud bo‘lsa-da, xizmat ko‘rsatish jarayoni yaqingacha, to‘la ma’noda raqamli bo‘lmagan edi. Bank mijoziga aylanish uchun ba’zi hollarda foydalanuvchi xizmat ko‘rsatish nuqtalariga tashrif buyurishi kerak edi.
TBC Bank jamoasi Gruziyaning Space jamoasi bilan birgalikda foydalanuvchilarga masofadan turib bank mijoziga aylanish imkoniyatini yaratish uchun faol ishlar olib bordi. O‘zbekiston Markaziy banki tomonidan o‘tkazilgan ko‘p sonli islohotlar ham bunda muhim rol o‘ynadi. Ushbu islohotlar tufayli masofaviy verifikatsiyadan o‘tish imkoni paydo bo‘ldi. Bu esa mamlakatda digital-banking yo‘nalishining rivojlanishiga sabab bo‘ldi.
Hozir TBC UZ ilovasi orqali bir necha daqiqa ichida istalgan joyda bank mijoziga aylanish mumkin.
Bu bank mijozlari uchun nimani anglatadi? Taqqoslash uchun, an’anaviy va raqamli banklarda kredit olish jarayoni quyidagi ko‘rinishga ega.
TBC Bank’da ikki xil depozit mavjud: yillik stavkasi 23 foizgacha bo‘lgan muddatli depozit va 18 foiz stavka bilan talab qilib olguncha omonat. Depozitlarni rasmiylashtirish jarayoni ham ancha oson. Foydalanuvchi ilovani yuklab, undan verifikatsiyadan o‘tgach, TBC UZ ilovasiga biriktirilgan istalgan kartadan pul o‘tkazgan holda depozit ochishi mumkin.
Digital-banking sohasi tez rivojlanib bormoqda va foydalanuvchilarga ko‘pdan-ko‘p imkoniyatlar, qulayliklar taklif etmoqda. Bugun mijozlar barcha bank xizmatlaridan uydan turib foydalanishlari mumkin. Tez orada TBC Bank bundanda ko‘proq loyiha va xizmatlarni joriy qilishni rejalashtirgan. Bank yangiliklarini tbcbank.uz sayti orqali kuzatib boring.
Reklama huquqi asosida.
Izoh (0)