Россия президенти Владимир Путин Шимолий Корея етакчиси Ким Чен Инга Озодлик куни (Корея Мустақиллиги куни) муносабати билан табрик телеграммаси йўллади. У мамлакатларнинг икки томонлама муносабатларни ривожлантиришига ишонч билдирди. Ким Чен Ин ҳам ўз навбатида, Владимир Путинга телеграмма йўллаб, унга «мамлакат ва халқ суверенитети ва манфаатларини ҳимоя қилиш бўйича масъулиятли фаолиятида» муваффақиятлар тилади. Бу ҳақда «Коммерсантъ» нашри хабар бермоқда.
Telegramмалар матни Корея Марказий Телеграф агентлиги томонидан тақдим этилди.
Ишончим комилки, биз биргаликдаги саъй-ҳаракатларимиз билан икки томонлама конструктив алоқаларнинг барчасини янада ривожлантиришни таъминлаймиз. Бу халқларимиз манфаатларига тўлиқ жавоб беради. Бу Корея ярим ороли ва бутун Шимолий-Шарқий Осиё минтақасида хафвсизлик ва барқарорликни мустаҳкамлашга ҳамоҳангдир», — деган Владимир Путин телеграммада.Россия президенти Россия ва Шимолий Корея «Кореяни озод қилиш учун елкама-елка курашган Қизил армия аскарлари ва кореялик ватанпарварлар хотирасини ҳурмат қилишини» таъкидлади. Унинг фикрича, ўша йилларда ташкил этилган анъаналар «яхши қўшничилик муносабатларини ривожлантиришнинг ишончли асоси» бўлиб хизмат қилмоқда.
Ким Чен Иннинг Владимир Путинга йўллаган табригида, Россия президенти, Россия ҳукумати ва халқига самимий салом йўллаган. Шунингдек, у «Мард Қизил армия аскарлари Кореяни озод қилиш учун курашда ўз қонини ва жонини аямаган»лигини таъкидлаган.
Шимолий Корея раҳбарининг фикрича, икки давлат ўртасидаги стратегик ва тактик ҳамкорлик, қўллаб-қувватлаш ва ҳамжиҳатлик, ҳарбий таҳдид ва провокация, душман кучларнинг ўзбошимчалик ва ўз хоҳиш-истакларини бузиш учун умумий фронтда янги босқичга кўтарилмоқда.
Фурсатдан фойдаланиб, сизга чин қалбимдан мустаҳкам соғлик, мамлакат ва халқ суверенитети ва манфаатларини ҳимоя қилиш, давлатимиз равнақи йўлидаги масъулиятли фаолиятингизда улкан муваффақиятлар тилайман», — дейилади ТИВ телеграммасида.Россиянинг Украинада ҳарбий амалиёти бошланганидан сўнг КХДР ЛХР билан дипломатик алоқалар ўрнатди. Киев бунга жавобан Шимолий Корея билан муносабатларни узган.
Ҳозирда Россия ҳукумати кореялик муҳожирларни ишга жойлаштириш вариантини кўриб чиқмоқда. Шимолий Корея БМТ Хафвсизлик Кенгашининг санкциялари остида 2017 йилдан бошлаб Шимолий Корея фуқароларига хорижда ишлашни та’қиқланган эди.
Мавзуга доир: Ким Чен Ин Шимолий Корея коронавирус устидан ғалаба қозонганини эълон қилди
Изоҳ (0)