Afg‘oniston Rossiyadan qariyb 1 mln barrel neft sotib olmoqchi

Afg‘oniston Rossiyadan qariyb 1 million barrel neft so‘radi, deb yozadi “RBK”.

“Biz Rossiyaga 1 million barrel neft berishni taklif qildik, agar u bundan ham ko‘proq yubora olsa, unda bu muammo emas”, — dedi Afg‘oniston sanoat va savdo vaziri Nuriddin Aziziy.

Shuningdek, uning ta’kidlashicha, Afg‘oniston Rossiya neftini barter bo‘yicha yetkazib berish haqida kelishib olishdan manfaatdor. “Biz uchun eng muhimi neft va gaz bo‘yicha loyiha bo‘lgan bo‘lardi. Biz barter savdosi variantini ham ko‘rib chiqishni istardik, agar Rossiyada qaysidir afg‘on mahsulotiga nisbatan ehtiyoj bo‘lsa”, — dedi vazir.

Moskva bilan Rossiya nefti va gazini yetkazib berish haqida kelishib olish rejalarini may oyida Afg‘oniston masalalari bo‘yicha Rossiyadagi vaqtinchalik ishonchli vakil Jamol Nosir Garval ma’lum qilgan edi. “Biz Afg‘oniston va Rossiya o‘rtasida kelishuvga erishib, muayyan bitimlar imzolashga xayrixohmiz”, — degan edi u. Diplomatning so‘zlariga ko‘ra, Kobul Moskva bilan iqtisodiy hamkorlikni rivojlantirishni istaydi va allaqachon biznesni rivojlantirish masalalarida va moliya sohasida muzokaralar olib bormoqda.

15-avgust kuni Afg‘oniston sanoat va savdo vaziri Nuriddin Aziziy Moskva va Qozonga tashrif buyuradi. Rossiyaning Afg‘onistondagi elchisi Dmitriy Jirnovning aytishicha, delegatsiyaga iqtisodiyotchilar va moliyachilar ham kiritilgan, tomonlar neft, bug‘doy, un, kungaboqar moyi sotib olish masalasini muhokama qilishi kerak.