Karlo Anchelotti bosh murabbiyligidagi “Real” UEFA Superkubogida “Ayntraxt”ni 2:0 hisobida mag‘lub etdi.
63 yoshli mutaxassis turnirdagi 4-g‘alabasini tantana qildi. Ushbu natija bo‘yicha Karlo “Manchester Siti” bosh murabbiyi Pep Gvardiolani ortda qoldirdi. Ispaniyalik murabbiy UEFA Superkubogida 3 marta g‘alaba qozongan.
Anchelotti “Milan” bilan 2 marta (2003, 2007), “Real” bilan 2 marta (2014, 2022) UEFA Superkubogida zafar quchgan.
Qayd etish kerak, Anchelotti Yevropa top-5 ligalarida chempion bo‘lgan, shuningdek, YChLda to‘rt marta g‘olib bo‘lgan yagona murabbiy hisoblanadi. Bu natijalar qatoriga Superkubok yutish bo‘yicha rekord ham qo‘shildi.
Karlo Anchelotti faoliyatidagi 24-sovrinini qo‘lga kiritdi. Italiyalik murabbiy “Real” bilan sakkizinchi tituliga ega chiqdi. Avvalroq Anchelotti “Milan” bilan 8 ta, “Chelsi” va “Bavariya” bilan 3 tadan, “Yuventus” va “PSJ” bilan bittadan sovrin qo‘lga kiritgan.
Izoh (0)