Karim Benzema “Real”da sovrin yutish bo‘yicha Xentoga tenglashib oldi, faqat bir futbolchi undan oldinda

“Real” UEFA Superkubogida “Ayntraxt”ni 2:0 hisobida mag‘lub etdi, Karim Benzema uchrashuvda o‘z hisobiga gol yozdirib qo‘ydi.

Shu tariqa fransiyalik hujumchi Madrid klubidagi gollari sonini 324 taga yetkazib oldi va “Real” safida 323 ta gol urgan Raulni ortda qoldirdi.

Benzema “qaymoqranglilar” tarixidagi eng yaxshi to‘purarlar ro‘yxatida ikkinchi o‘ringa ko‘tarilib oldi. Madridliklar tarixidagi eng yaxshi goleador Krishtianu Ronaldu hisoblanadi. Portugaliyalik hujumchi hisobida 450 ta gol mavjud.

Shuningdek, Benzema “Real” safidagi sovrinlari sonini 23 taga yetkazdi va Fransisko Xento (23 ta sovrin) bilan tenglashib oldi. Ulardan keyingi o‘rinda Serxio Ramos (22) va Manolo Sanchis (21) joylashgan. Madridliklar safida eng ko‘p sovrin qo‘lga kiritgan futbolchi — Marselo. Braziliyalik “Real” bilan birga 25 ta sovringa ega chiqqan.

Mavzuga doir: “Real” UEFA Superkubogini qo‘lga kiritish bo‘yicha “Barselona” va “Milan”ning rekordini takrorladi