Donetskda yangi qurbonlar, Bahmutda yaradorlar. Urushning 162-kunidan fotoreportaj
4-avgust kuni Rossiya ommaviy axborot vositalari Ukraina harbiylari Donetskdagi drama teatrini o‘qqa tutgani haqida xabar berdi. Shu kuni u yerda o‘zini DXR qo‘mondoni deb e’lon qilgan Olga Kachuraning dafn marosimi bo‘lib o‘tishi kerak edi. Besh kishi halok bo‘ldi, olti kishi yaralandi. 4-avgustga o‘tar kechasi va erta tongda Xarkov, Nikopol va Nikolayev yana o‘qqa tutildi, deya xabar beradi Ukraina rasmiylari. Amnesty International inson huquqlari tashkiloti Ukraina harbiylari turar joylarda bazalar qurayotgani va shu tariqa urush qonunlarini buzayotgani haqida hisobot beri. Ukraina prezidenti ofisi buni rad etmoqda. Meduza urushning 162-kuniga oid asosiy suratlarini e’lon qildi.
Xarkov viloyati
Ukrainalik ko‘ngillilar armiya uchun yostiq tikmoqda.Foto: EPA
Xarkov viloyatidagi pozitsiyada “Uragan” baravar o‘t ochuvchi reaktiv tizimi uchun zarur raketalar ortilgan yuk mashinasi. Raketalar yonida ukrainalik harbiy xizmatchi turibdi. 4-avgust kuni Ukraina Qurolli kuchlari Bosh shtabi Xarkov yo‘nalishida rus qo‘shinlari Bayrak-Gusarovka yo‘nalishida oldinga siljishga uringani va u yerda jangovar harakatlar davom etayotgani haqida xabar berdi.Foto: Reuters
Ukraina Xarkov viloyatidagi pozitsiyalar bo‘ylab “Uragan” tizimidan o‘t ochdi.Foto: Reuters
Donetsk
Donetsk markazidagi (DXR nazorati ostida) harbiy xizmatchilar Ukraina Qurolli kuchlari tomonidan o‘t ochilgan paytda xavfsiz joyga yugurmoqda. Rossiya matbuoti Ukraina harbiylari Donetskdagi Olga Kachura bilan vidolashuv marosimi bo‘lib o‘tadigan drama teatrini o‘qqa tutgani haqida xabar berdi. “TASS” xabariga ko‘ra, Donbass Palace mehmonxonasi ham o‘qlar ostida qolgan.Foto: “TASS”
Donetskda tergovchilar Ukraina Qurolli kuchlari hujumidan keyin odam halok bo‘lgan joyni tekshirmoqda. Rossiya OAV shaharni o‘qqa tutish chog‘ida besh kishi halok bo‘lgani, olti kishi jarohatlangani haqida xabar berdi.Foto: AP Photo
Ukraina Qurolli kuchlari tomonidan o‘qqa tutilgan Donbass Palace mehmonxonasining kirish eshiklari. Rossiya Tergov qo‘mitasi rahbari Aleksandr Bastrikin otishma faktini tekshirishni topshirdi, deb xabar bermoqda.Foto: “TASS”
Donbass shimoli
Bahmutlik kishi shahar o‘qqa tutilgandan keyin snaryad parchasi bilan yaralandi. Rus qo‘shinlari shaharni egallab olishga urinib, uni o‘qqa tutmoqda. Ukraina Qurolli Kuchlari Bosh shtabi ma’lumotlariga ko‘ra, ular Avdeyevka tomon ham oldinga siljmoqda.Foto: Anadolu
Donbassdan evakuatsiya qilingan ayol Pokrovskda g‘arbga ketadigan poyezdga chiqmoqchi.Foto: Anadolu
Donbassliklar Pokrovskdagi evakuatsiya poyezdida. Deyarli olti oylik urush davomida Donetsk viloyati aholisining uchdan ikki qismi evakuatsiya qilindi, dedi viloyat harbiy boshqarmasi rahbari Pavel Kirilenko.Foto: Anadolu
Bahmut o‘qqa tutilgandan keyin yong‘inni o‘chirayotgan o‘t o‘chiruvchilar.Foto: Anadolu
Bahmut aholisi narsalarini bitta mashinaga ortib, shaharni tark etishga hozirlanmoqda.Foto: Anadolu
Donetsk viloyatining Nikolayevka shahrida Rossiya hujumidan vayron bo‘lgan bino. 3-avgust kuni Rossiya Mudofaa vazirligining xabar berishicha, Rossiya Aerokosmik kuchlari Nikolayevkada Ukraina Qurolli kuchlari bo‘linmasi vaqtincha joylashtirilgan nuqtaga zarba berib, 50 dan ortiq harbiy xizmatchini yo‘q qilgan.Foto: Anadolu
Donetsk viloyati Pokrovsk shahridagi qabriston xodimi Ukraina armiyasi askari Sergey Marchenko qabriga xoch o‘rnatmoqda. 26 yoshli Marchenko Donetsk viloyatidagi artilleriya vzvodida xizmat qilgan. U 28-iyulda o‘ldirilgan.Foto: AP Photo
Izoh (0)