Донецкда янги қурбонлар, Баҳмутда ярадорлар. Урушнинг 162-кунидан фоторепортаж
4 август куни Россия оммавий ахборот воситалари Украина ҳарбийлари Донецкдаги драма театрини ўққа тутгани ҳақида хабар берди. Шу куни у ерда ўзини ДХР қўмондони деб эълон қилган Олга Качуранинг дафн маросими бўлиб ўтиши керак эди. Беш киши ҳалок бўлди, олти киши яраланди. 4 августга ўтар кечаси ва эрта тонгда Харьков, Никопол ва Николаев яна ўққа тутилди, дея хабар беради Украина расмийлари. Amnesty International инсон ҳуқуқлари ташкилоти Украина ҳарбийлари турар жойларда базалар қураётгани ва шу тариқа уруш қонунларини бузаётгани ҳақида ҳисобот бери. Украина президенти офиси буни рад этмоқда. Meduza урушнинг 162-кунига оид асосий суратларини эълон қилди.
Харьков вилояти
Украиналик кўнгиллилар армия учун ёстиқ тикмоқда.Фото: EPA
Харьков вилоятидаги позицияда «Ураган» баравар ўт очувчи реактив тизими учун зарур ракеталар ортилган юк машинаси. Ракеталар ёнида украиналик ҳарбий хизматчи турибди. 4 август куни Украина Қуролли кучлари Бош штаби Харьков йўналишида рус қўшинлари Байрак-Гусаровка йўналишида олдинга силжишга урингани ва у ерда жанговар ҳаракатлар давом этаётгани ҳақида хабар берди.Фото: Reuters
Украина Харьков вилоятидаги позициялар бўйлаб «Ураган» тизимидан ўт очди.Фото: Reuters
Донецк
Донецк марказидаги (ДХР назорати остида) ҳарбий хизматчилар Украина Қуролли кучлари томонидан ўт очилган пайтда хавфсиз жойга югурмоқда. Россия матбуоти Украина ҳарбийлари Донецкдаги Олга Качура билан видолашув маросими бўлиб ўтадиган драма театрини ўққа тутгани ҳақида хабар берди. «ТАСС» хабарига кўра, Donbass Palace меҳмонхонаси ҳам ўқлар остида қолган.Фото: «ТАСС»
Донецкда терговчилар Украина Қуролли кучлари ҳужумидан кейин одам ҳалок бўлган жойни текширмоқда. Россия ОАВ шаҳарни ўққа тутиш чоғида беш киши ҳалок бўлгани, олти киши жароҳатлангани ҳақида хабар берди.Фото: AP Photo
Украина Қуролли кучлари томонидан ўққа тутилган Donbass Palace меҳмонхонасининг кириш эшиклари. Россия Тергов қўмитаси раҳбари Александр Бастрикин отишма фактини текширишни топширди, деб хабар бермоқда.Фото: «ТАСС»
Донбасс шимоли
Баҳмутлик киши шаҳар ўққа тутилгандан кейин снаряд парчаси билан яраланди. Рус қўшинлари шаҳарни эгаллаб олишга уриниб, уни ўққа тутмоқда. Украина Қуролли Кучлари Бош штаби маълумотларига кўра, улар Авдеевка томон ҳам олдинга силжмоқда.Фото: Anadolu
Донбассдан эвакуация қилинган аёл Покровскда ғарбга кетадиган поездга чиқмоқчи.Фото: Anadolu
Донбассликлар Покровскдаги эвакуация поездида. Деярли олти ойлик уруш давомида Донецк вилояти аҳолисининг учдан икки қисми эвакуация қилинди, деди вилоят ҳарбий бошқармаси раҳбари Павел Кириленко.Фото: Anadolu
Баҳмут ўққа тутилгандан кейин ёнғинни ўчираётган ўт ўчирувчилар.Фото: Anadolu
Донецк вилоятининг Николаевка шаҳрида Россия ҳужумидан вайрон бўлган бино. 3 август куни Россия Мудофаа вазирлигининг хабар беришича, Россия Аэрокосмик кучлари Николаевкада Украина Қуролли кучлари бўлинмаси вақтинча жойлаштирилган нуқтага зарба бериб, 50 дан ортиқ ҳарбий хизматчини йўқ қилган.Фото: Anadolu
Донецк вилояти Покровск шаҳридаги қабристон ходими Украина армияси аскари Сергей Марченко қабрига хоч ўрнатмоқда. 26 ёшли Марченко Донецк вилоятидаги артиллерия взводида хизмат қилган. У 28 июлда ўлдирилган.Фото: AP Photo
Изоҳ (0)