AQSH Kongressi a’zosi avtohalokatda vafot etdi

AQSH Kongressi Vakillar palatasi a’zosi Jeki Valorski avtohalokatda vafot etdi, deb yozmoqda Reuters.

Hodisa Indiana shimolidagi Nappani shahri yaqinida yuz bergan. AQSH Kongressining Respublikachilar partiyasidan a’zosi, Indiana shtati vakili Jeki Valorski va uning xodimlari o‘tirgan mashina qarama-qarshi chiziqqa chiqib ketgan boshqa bir mashinaga urilgan.

58 yoshli Jeki Valorskining vafoti Kongress uchun saylov kampaniyasi qizg‘in kechayotgan pallaga to‘g‘ri keldi. Oq uy uning xotirasiga bayroqlar yarim tushirilishini ma’lum qildi.

AQSH prezidenti Jo Bayden Valorski bilan turli partiyalar vakili bo‘lgani va ko‘p masalalarda kelishmovchiliklar yuz bergani, ammo har ikki partiya a’zolari uni Vakillar palatasi qo‘mitasidagi xizmati uchun hurmat qilishini aytdi.

Mavzuga doir: Britaniyalik millioner yaxta avariyasi oqibatida halok bo‘ldi