O‘zbekistonda davlat xizmatchilarini tayyorlash va malakasini oshirish bo‘yicha mutlaqo yangi tizim yo‘lga qo‘yiladi. Xususan, Davlat boshqaruvi akademiyasi eng ilg‘or xorijiy tajribalar asosida transformatsiya qilinadi.
“Hozirgi tez o‘zgarayotgan dunyoda har kuni yangi muammolar va masalalar kelib chiqmoqda. Shunday ekan, har bir mutaxassis o‘z ustida ishlab, yangi bilimlarni egallab borishi kerak”, — dedi prezident.
Shu paytgacha davlat xizmatchilarining atigi 20 foizi malaka oshirgan, ko‘rsatkich rahbarlar kesimida 1 foizga, o‘rinbosarlar bo‘yicha esa 5 foizga ham yetmagani ko‘rsatib o‘tildi. Shuningdek, malaka oshirganlarning 50 foizdan ortig‘i o‘qitish sifatidan norozi.
Bu borada tayanch muassasa bo‘lgan Davlat boshqaruvi akademiyasi eng ilg‘or xorijiy tajribalar asosida transformatsiya qilinadi. Yig‘ilishda prezident maslahatchisi Suma Chakrabarti videoaloqa orqali bu boradagi takliflarini bayon qildi.
Mutasaddilarga bir oy muddatda:
- xorijiy hamkorlar va nufuzli o‘quv markazlari bilan birga qo‘shma ta’lim dasturlarini yo‘lga qo‘yish;
- xorijiy mutaxassislarni jalb qilib, yangi o‘quv dasturlarini ishlab chiqish va yil yakuniga qadar 5 ming nafar davlat xizmatchisini o‘qitish topshirildi.
Mavzuga doir:
- O‘zbekistonda xodimning tajribasi, erishgan natijasiga qarab rag‘batlantirish tizimi joriy qilinishi ko‘rib chiqiladi
- Abdulla Aripovga bir oy muddatda xizmat ko‘rsatish jarayonlarida ortiqcha xarajat va hujjatlarni qisqartirish vazifasi qo‘yildi
- O‘zbekistonda mas’ullarga 3 oy muddatda “100 ta ilg‘or yetakchilar” dasturini boshlash vazifasi qo‘yildi
- Shavkat Mirziyoyev “rahbarlikka tasodifan kelib qolishning oldi olinadigan” tizimga o‘tilishini ma’lum qildi
- O‘zbekistonda o‘tgan 6 oyda bilim va ko‘nikmalari yetishmagani bois 37 nafar tuman va shahar hokimi almashtirildi
- “Har bir vazirlik va hokimlik kadrlar tanlashni oliygohlardan boshlashi zarur” — Shavkat Mirziyoyev
Izoh (0)