Ўзбекистонда давлат хизматчиларини тайёрлаш ва малакасини ошириш бўйича мутлақо янги тизим йўлга қўйилади. Хусусан, Давлат бошқаруви академияси энг илғор хорижий тажрибалар асосида трансформация қилинади.
«Ҳозирги тез ўзгараётган дунёда ҳар куни янги муаммолар ва масалалар келиб чиқмоқда. Шундай экан, ҳар бир мутахассис ўз устида ишлаб, янги билимларни эгаллаб бориши керак», — деди президент.
Шу пайтгача давлат хизматчиларининг атиги 20 фоизи малака оширган, кўрсаткич раҳбарлар кесимида 1 фоизга, ўринбосарлар бўйича эса 5 фоизга ҳам етмагани кўрсатиб ўтилди. Шунингдек, малака оширганларнинг 50 фоиздан ортиғи ўқитиш сифатидан норози.
Бу борада таянч муассаса бўлган Давлат бошқаруви академияси энг илғор хорижий тажрибалар асосида трансформация қилинади. Йиғилишда президент маслаҳатчиси Сума Чакрабарти видеоалоқа орқали бу борадаги таклифларини баён қилди.
Мутасаддиларга бир ой муддатда:
- хорижий ҳамкорлар ва нуфузли ўқув марказлари билан бирга қўшма таълим дастурларини йўлга қўйиш;
- хорижий мутахассисларни жалб қилиб, янги ўқув дастурларини ишлаб чиқиш ва йил якунига қадар 5 минг нафар давлат хизматчисини ўқитиш топширилди.
Мавзуга доир:
- Ўзбекистонда ходимнинг тажрибаси, эришган натижасига қараб рағбатлантириш тизими жорий қилиниши кўриб чиқилади
- Абдулла Ариповга бир ой муддатда хизмат кўрсатиш жараёнларида ортиқча харажат ва ҳужжатларни қисқартириш вазифаси қўйилди
- Ўзбекистонда масъулларга 3 ой муддатда «100 та илғор етакчилар» дастурини бошлаш вазифаси қўйилди
- Шавкат Мирзиёев «раҳбарликка тасодифан келиб қолишнинг олди олинадиган» тизимга ўтилишини маълум қилди
- Ўзбекистонда ўтган 6 ойда билим ва кўникмалари етишмагани боис 37 нафар туман ва шаҳар ҳокими алмаштирилди
- «Ҳар бир вазирлик ва ҳокимлик кадрлар танлашни олийгоҳлардан бошлаши зарур» — Шавкат Мирзиёев
Изоҳ (0)