Qashqadaryo viloyati Qarshi tumanida davlat zaxirasidan 16 sotix yer maydoni olib berishni va’da qilgan fuqaro ushlandi. Bu haqda Iqtisodiy jinoyatlarga qarshi kurashish departamenti xabar berdi.
Qayd etilishicha, Bosh prokuratura huzuridagi departament hamda IIVning Qashqadaryo viloyati boshqarmalari tomonidan tezkor tadbir o‘tkazilgan. Unda fuqaro F.H. boshqa bir fuqaro R.ga Qarshi tumani “Yangibog‘” MFY hududidan davlat zaxirasidagi 16 sotix yer maydonini tanishlari orqali uning nomiga rasmiylashtirib olib berish evaziga 90 million so‘mni olgan vaqtida ashyoviy dalillar bilan ushlandi.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)