Қашқадарё вилояти Қарши туманида давлат захирасидан 16 сотих ер майдони олиб беришни ваъда қилган фуқаро ушланди. Бу ҳақда Иқтисодий жиноятларга қарши курашиш департаменти хабар берди.
Қайд этилишича, Бош прокуратура ҳузуридаги департамент ҳамда ИИВнинг Қашқадарё вилояти бошқармалари томонидан тезкор тадбир ўтказилган. Унда фуқаро Ф.Ҳ. бошқа бир фуқаро Р.га Қарши тумани «Янгибоғ» МФЙ ҳудудидан давлат захирасидаги 16 сотих ер майдонини танишлари орқали унинг номига расмийлаштириб олиб бериш эвазига 90 миллион сўмни олган вақтида ашёвий далиллар билан ушланди.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)