O‘zbekiston va Polsha davlatlari Interpol xodimlarining hamkorlikda olib borgan harakatlari natijasida zo‘rlashda ayblanayotgan o‘zbekistonlik erkak qo‘lga olinib, ekstraditsiya qilindi. Bu haqda Interpolning O‘zbekistondagi Milliy markaziy byurosi matbuot xizmati xabar berdi.
Ma’lum qilinishicha, 2021-yilning avgust oyidan beri huquq-tartibot idoralarimiz tomonidan zo‘rlashda ayblanib, qidiruvda bo‘lgan O‘zbekiston fuqarosi M.N. Varshavadan Toshkentga ekstraditsiya qilindi.
2022-yilning yanvarida jinoyatchi Interpol kanallari orqali xalqaro qidiruvga berilgan, mart oyida esa polshalik hamkorlar tomonidan ushbu fuqaro Polsha hududiga kirgani haqida xabar kelgan.
Shundan so‘ng Interpolning O‘zbekistondagi MMB xodimlari tomonidan qidiruvdagi shaxsni aniqlash va qo‘lga olish borasida sa’y-harakatlar boshlangan va yuborilgan protsessual hujjatlar bo‘yicha tezkor qidiruv tadbirlari amalga oshirilib, M.N. ushlangan.
Ekstraditsiya talabi qanoatlantirilgandan so‘ng, huquqbuzar munosib jazo olish uchun O‘zbekistonga qaytarilgan.
Mavzuga doir:
- O‘zbekistonda o‘ta og‘ir jinoyati uchun 20 yildan buyon qidiruvda bo‘lgan ayol Qozog‘istonda ushlandi
- Qirg‘iziston “Hizb ut-Tahrir” ekstremistik tashkiloti yetakchisini O‘zbekistonga ekstraditsiya qildi
- O‘zbekistonda firibgarlik sodir etgani uchun xalqaro qidiruvda bo‘lgan shaxs Polshadan ekstraditsiya qilindi
Izoh (0)