Ўзбекистон ва Польша давлатлари Интерпол ходимларининг ҳамкорликда олиб борган ҳаракатлари натижасида зўрлашда айбланаётган ўзбекистонлик эркак қўлга олиниб, экстрадиция қилинди. Бу ҳақда Интерполнинг Ўзбекистондаги Миллий марказий бюроси матбуот хизмати хабар берди.
Маълум қилинишича, 2021 йилнинг август ойидан бери ҳуқуқ-тартибот идораларимиз томонидан зўрлашда айбланиб, қидирувда бўлган Ўзбекистон фуқароси М.Н. Варшавадан Тошкентга экстрадиция қилинди.
2022 йилнинг январида жиноятчи Интерпол каналлари орқали халқаро қидирувга берилган, март ойида эса польшалик ҳамкорлар томонидан ушбу фуқаро Польша ҳудудига киргани ҳақида хабар келган.
Шундан сўнг Интерполнинг Ўзбекистондаги ММБ ходимлари томонидан қидирувдаги шахсни аниқлаш ва қўлга олиш борасида саъй-ҳаракатлар бошланган ва юборилган процессуал ҳужжатлар бўйича тезкор қидирув тадбирлари амалга оширилиб, М.Н. ушланган.
Экстрадиция талаби қаноатлантирилгандан сўнг, ҳуқуқбузар муносиб жазо олиш учун Ўзбекистонга қайтарилган.
Мавзуга доир:
Изоҳ (0)