O‘zbekistonda 2022-yil 6 oyida davlat xaridlarida budjet mablag‘larini talon-toroj qilish hamda boshqa korrupsiya ko‘rinishlari bilan bog‘liq 95 ta jinoyat fosh etilib, davlat manfaatlariga 55,2 milliard so‘m zarar yetkazilgan. Bu haqda 2-avgust kuni Senatning Budjet va iqtisodiy islohotlar masalalari qo‘mitasining yalpi majlis oldidan bo‘lib o‘tgan qo‘mita yig‘ilishida aytib o‘tildi.
Majlisda davlat dasturining milliy iqtisodiyotni jadal rivojlantirish va yuqori o‘sish sur’atlarini ta’minlash yo‘nalishida 33 ta band ijrosi yuzasidan ishlab chiqilgan normativ-huquqiy hujjat loyihalari bugungi kunga qadar qabul qilinmagani qayd etilgan
Sohada amalga oshirilgan islohotlarga qaramasdan, korrupsiyaviy holatlar iqtisodiy va ijtimoiy sohalarda kamaymayotgani ham aytib o‘tilgan.
Ma’lum qilinishicha, 2022-yil 6 oyida davlat xaridlarida byudjet mablag‘larini talon-toroj qilish hamda boshqa korrupsiya ko‘rinishlari bilan bog‘liq 95 ta jinoyat fosh etilib, davlat manfaatlariga 55,2 mlrd so‘m miqdorida zarar yetkazilgan.
Qonun buzilishi holatlari asosan tender xarid savdolarida hujjatlarni soxtalashtirish, mahsulotlarni sun’iy qimmat narxlarda sotib olish hamda 5,2 mlrd so‘mlik xarid qilingan mahsulotlarni kirim qilmaslik va ish, xizmatlarni bajarmaslik, qo‘shib yozish yoki yetkazib bermaslik orqali sodir etilgan.
Majlisda ko‘rib chiqilgan masalalar yuzasidan qo‘mita tegishli qarori qabul qilingan.
Izoh (0)